Memleket basshysy Qasym-Jomart Toqaev О́ńirlik ekologııalyq sammıttiń plenarlyq otyrysynda sóz sóıledi. Prezıdent ekologııalyq saıasatty qalyptastyrý barysynda ártúrli elderdiń, ásirese ekonomıkalyq damýshy memleketterdiń qajettilikteri eskerilýi kerektigine atap ótti, dep habarlaıdy Egemen.kz.
Memleket basshysy bul turǵyda damyǵan elder qazirgi ekologııalyq standarttarǵa uzaq ındýstrııalandyrý úderisi arqyly jetkeni nazarǵa alynýy tıistigin jetkizdi.
️«Meniń oıymsha, ekologııa máselesinde tańdaýlylarǵa basymdyq berý ábestik. Kóp jaǵdaıda ekologııalyq kún tártibin ázirleý nemese qalyptastyrý barysynda túrli aımaqtar men elderdiń, ásirese, ekonomıkalyq áleýetin nyǵaıtýǵa den qoıǵan damýshy memleketterdiń qajettilikteri múldem eskerilmeıdi. Alaıda damyǵan elder qazirgi ekologııalyq standarttarǵa ındýstrııalandyrýdyń uzaqqa sozylǵan úderisiniń nátıjesinde jetkenin esten shyǵarmaıyq. Sondyqtan jahandyq ekologııalyq modelge kóshý úrdisi ádil, teńgerimdi jáne yntalandyrýshy sıpatta órbýge tıis», dedi Prezıdent.
Memleket basshysy О́ńirlik ekologııalyq sammıttiń plenarlyq otyrysynda sóz sóıledi
Prezıdenttiń paıymynsha, barshamyz aqylǵa qonymdy, muqııat oılastyrylǵan pragmatıkalyq tásilge júginýimiz kerek.
«Sonda ǵana memleketter ornyqty damý qaǵıdattaryna saı alǵa jyljyp, óziniń ekonomıkalyq ósimi men progresine qaýip tóndirmeıdi. Qorshaǵan ortany qorǵaý salasyndaǵy yntymaqtastyq bizdi bólmeı, kerisinshe bir maqsatqa biriktirýge tıis. Eshkim bir-birin jarııa túrde aıyptamaýy, ózgeden min izdemeýi qajet. Beıbitshilik pen ornyqty damýǵa múddeli seriktester retinde jaýapkershilikti sezinip, naqty áreket etkenimiz durys», dedi Memleket basshysy.