Astanadaǵy Kórkem-3 turǵyn úı kesheni aýmaǵynda kópqabatty úıdiń shatyrynda mas kúıde júrgen er adam ákimshilik jaýapkershilikke tartyldy, dep habarlaıdy Egemen.kz.
Qalalyq sottyń málimetinshe, azamat 20 sáýir kúni alkogoldik mas kúıde úıdiń shatyryna shyǵyp ketken. Bul áreket qoǵamdyq tártipti buzý jáne aınaladaǵy adamdarǵa qaýip tóndirý retinde baǵalanǵan.
Astanada kópqabatty úıdiń shatyrynan sekirmek bolǵan jasóspirim qutqaryldy
Oqıǵa vıdeobaqylaý jazbalarymen dáleldengen. Sot otyrysynda ol óz kinásin tolyq moıyndap, jasaǵan áreketine ókinish bildirgen. Ol sol kúni mas kúıde bolǵanyn jáne jeke janjal saldarynan emosııalyq kúıde sheshim qabyldaǵanyn aıtqan.
Sot tártip buzýshyny Qazaqstan Respýblıkasynyń Ákimshilik quqyqbuzýshylyq týraly kodeksiniń 434-baby 1-bóligi boıynsha kináli dep tanyp, 10 táýlikke ákimshilik qamaýǵa alý jazasyn taǵaıyndaǵan.
Eske sala keteıik, buǵan deıin dál osy turǵyn úı kesheninde órt shyǵyp, saldarynan úsh bala qaza tapqan bolatyn.