Aqtóbe oblysy Qarǵaly aýdanyndaǵy jazyq alqaptan ushqyshsyz ushý apparatynyń synyqtaryna uqsas zattar tabyldy. Qazir oqıǵa ornyna polısııa men jedel qyzmet ókilderi jetip, tekserý jumystaryn júrgizip jatyr, dep jazady Egemen.kz.
Kýágerlerdiń aıtýynsha, kúmándi zatty alǵash bolyp jergilikti turǵyndar baıqaǵan. Olar oqıǵa ornyn jáne arnaıy qyzmetterdiń jumysyn vıdeoǵa túsirip alǵan. Sondaı-aq keıbir turǵyndar nysannyń qulaý sátin de taspaǵa túsirgenderin aıtady. Áleýmettik jelilerde taraǵan kadrlarda jarylysqa uqsas qatty dybys estiledi.
«Mine, dron jarty saǵat buryn qulady. Tańerteńgi ýaqyt, saǵat shamamen 8:30», deıdi ınternette taraǵan vıdeony túsirgen avtor.
Batys Qazaqstan oblysynda taǵy bir dron qulady
О́ńirlik polısııa departamenti atalǵan derekti rastady.
«Aqtóbe oblysynyń Polısııa departamenti ýákiletti qyzmettermen birlesip, Qarǵaly aýdanynda ushqyshsyz ushý apparatynyń bólshekterine uqsas zattardyń tabylýyna baılanysty tekserý sharalaryn júrgizip jatyr. Nysan eldi mekennen tys jerde anyqtaldy. Oqıǵanyń barlyq mán-jaıy anyqtalyp jatyr», delingen departament habarlamasynda.
Astanada tazalyqty baqylaýǵa drondar jumyldyrylady