Qostanaı qalasynda jyldyń eń iri «QOSTANAI TECH» otbasylyq ǵylymı-ınnovasııalyq festıvali ótip jatyr. Aýqymdy is-sharaǵa oblys turǵyndary men elimizdiń túrli óńirlerinen kelgen qonaqtar, bıznes, ǵylym, IT salasynyń ókilderi jınalǵan, dep jazady Egemen.kz.
Festıvaldiń ashylýyna Qostanaı oblysynyń ákimi Qumar Aqsaqalov qatysyp, búginde tehnologııalar men jasandy ıntellektini damytý óńirdiń jáne tutas eldiń básekege qabilettiligin aıqyndaıtyn basty faktorlardyń birine aınalǵanyn atap ótti.
«Búginde sıfrlandyrý, robottandyrý jáne jasandy ıntellekt óndiris, aýyl sharýashylyǵy, densaýlyq saqtaý, bilim berý jáne qyzmet kórsetý salalaryna keńinen enip otyr. Bizdiń basty mindetimiz – bilim ekonomıkasyn qalyptastyryp, jańa býyn mamandaryn daıarlaý», dedi óńir basshysy.
Festıvalge Nobel syılyǵynyń 2007 jylǵy laýreaty, ońtústikkoreıalyq dıplomat jáne ǵalym Ra Kvon Chýngtyń onlaın baılanys arqyly qosyldy.
Kitap oqýǵa qushtarlyq: Qostanaıdaǵy kitaphanashylar áýletiniń ónegesi
О́z sózinde ol tehnologııalyq damýdyń turaqty damý jáne ekologııalyq jaýapkershilikpen tyǵyz baılanysta júrýi qajettigin erekshe atap ótti.
«Ekonomıkalyq ósim bolashaq urpaq aldyndaǵy jaýapkershilik pen qorshaǵan ortaǵa degen qamqorlyqtan turady, dedi Nobel laýreaty festıval qatysýshylaryna arnaǵan úndeýinde.
Osyndaı halyqaralyq deńgeıdegi spıkerdiń qatysýy forýmnyń mártebesin arttyryp, ony tehnologııalar men bolashaq máseleleri jónindegi jahandyq dıalog alańy retinde aıqyndaı tústi.
Qazir festıval aıasynda ınteraktıvti aımaqtar, zamanaýı tehnologııalar kórmesi, VR jáne AI alańdary, robototehnıka zerthanalary, kıbersport arenasy, balalar men eresekterge arnalǵan ǵylymı shoýlar jumys istep jatyr.
Qostanaıda jasalǵan qýatty kombaın
Qonaqtardyń erekshe qyzyǵýshylyǵyn vırtýaldy shyndyq arqyly aýyl sharýashylyǵy tehnıkasyn basqarý, elektromobıl qurastyrý jelileriniń sımýlıasııasy jáne ınjenerlik sheberlik sabaqtary týdyryp otyr.