78 jasynda qoǵam belsendisi, dáriger jáne «Aman-saýlyq» qoǵamdyq qorynyń prezıdenti Baqyt Túmenova qaıtys boldy. Bul týraly Májilis depýtaty Ermurat Bápı áleýmettik jelide habarlady, dep jazady Egemen.kz.
Onyń aıtýynsha, Baqyt Túmenova óz ustanymyna berik, prınsıpshil ári qaısar tulǵa bolǵan.
Marqum uzaq jyldar boıy densaýlyq saqtaý salasynda eńbek etip, áleýmettik saıasat máselelerimen aınalysty. 2007 jyldan bastap «Aman-saýlyq» qoryn basqaryp, azamattar men pasıentterdiń quqyqtaryn qorǵaýǵa úles qosty.
Almatyda Uly Otan soǵysynyń ardageri 102 jasynda ómirden ótti
Baqyt Túmenova 1948 jyly Qyzylorda qalasynda dúnıege kelgen. Ol Semeı memlekettik medısına ınstıtýtyn «pedıatrııa» mamandyǵy boıynsha támamdaǵan. Eńbek jolyn dáriger bolyp bastap, keıin basshylyq qyzmetterge deıin kóterildi.
Ol túrli jyldary ákimdik pen qoǵamdyq keńesterde qyzmet atqaryp, áleýmettik saladaǵy mańyzdy máselelermen aınalysty.