Balqash qalasynda tolyq rekonstrýksııadan keıin qaıta ashylǵan áýejaı alǵashqy reısterdi qabyldady, dep habarlaıdy Egemen.kz.
Karaǵandy oblysy ákimdiginiń habarlaýynsha, áýejaıda jańa ushý jáne qoný zaldary paıdalanýǵa berilgen. Qazirgi ýaqytta Vietjet Qazaqstan áýe kompanııasy Astanadan kúndelikti reıster oryndasa, SCAT áýe kompanııasy Almaty baǵyty boıynsha aptasyna alty ret qatynaıdy.
Memlekettik sýbsıdııalaý esebinen qarjylandyrylǵan bıletterdiń quny eki baǵyt boıynsha da shamamen 16 myń teńgeni quraıdy.
«Áýejaıdy jańǵyrtý Memleket basshysynyń tapsyrmasy boıynsha júrgizildi. Qarajattyń 90 paıyzy respýblıkalyq bıýdjetten bólindi, onyń bir bóligi – qaıtarylǵan aktıvter. 1960-shy jyldardaǵy ǵımarat óte ádemi sáýletpen salynǵan. Bizdiń basty mindetimiz onyń tarıhı kelbetin saqtap qalý jáne sonymen birge ishki jaılaryn tolyq jańǵyrtý boldy. Endi áýejaı zamanaýı talaptarǵa jaýap beredi», dedi kólik jáne avtomobıl joldary basqarmasynyń basshysy Maqsat Muqashev.
Áýejaıda rýlejdik jol men perron jańartylyp, arnaıy tehnıkalyq qyzmet kórsetý ǵımaraty salynǵan. Sondaı-aq 10 birlik aerodrom tehnıkasy satyp alynǵan.
Qosshy, Qaraǵandy álde Pavlodar: Astananyń ekinshi áýejaıy qaı baǵytta salynýy múmkin?
Qazirgi ýaqytta nysan saǵatyna 80 jolaýshyny qabyldap, qyzmet kórsete alady.
Eske sala keteıik, buǵan deıin Kendirlidegi áýejaıdyń qashan ashylatynyn jazǵan bolatynbyz.