“Astana sazy” ansambli qytaı elinde óz ónerin pash etti

Jýyrda Qytaıdyń Úrimshi qalasynda alǵash ret halyqaralyq balalar festıvali ótti. Oǵan Astana qalasyndaǵy №2 balalar mýzyka mektebiniń “Astana sazy” folk­lor­lyq ansambli qatysyp, tabys­pen oraldy. Astanalyq ansambldi №2 ba­la­lar mýzyka mektebiniń dıre­k­­tory, sazger Ospan Súleımenuly bastap bardy. Elordalyq ónerli balalar Qurmanǵazynyń “Balbyraýyn” jáne Nurǵısa Tilendıevtiń “Ata tolǵaýy” kúılerin oryndap, qoshe­met­­ke bólendi. Sonymen qatar №2 balalar mýzyka mektebiniń ustazy Kárimbek Endibaevtyń “Astana saltanaty” atty kúıin birneshe elden jınalǵan kórermenderdiń nazaryna tartý etti. Jeke oryn­daýshylar da án shyrqady. “Balalar konsertten tys ýa­qyttarda ortalyq saıabaqty, zoo­baqty aralap kórdi. Ásirese ozyq zamanaýı tehnologııanyń damýyna arnalǵan murajaı balalardyń óte qyzyǵýshylyǵyn týǵyzǵan. Onda áli qoldanysqa enbegen tehnıka túrle­rimen, ár túrli “óner” kórsete ala­tyn robottarmen tanysty. О́nerli balalarǵa qultemirlerden quralǵan orkestr erekshe áser etti. Jıyr­madan astam múshesi bar “óner­paz” orkestrdiń óz dırıjer­leri bar. Olardyń oryndaǵan shy­ǵarmasy ár balany ózine tartyp, qyzyqtyra tústi. Sonymen qatar, Qytaı eli ǵaryshty zertteýge óte mán berip otyrǵanyn anyq baı­qadyq. О́ıt­keni, osy murajaıdyń bir qabatyn túgeldeı ǵarysh sa­la­­syna arnaǵan. Onda balalar Jer ­shary men ǵalam­shardyń qupııa áleminen mol maǵlu­mat aldy dep oılaımyn”, – deıdi №2 balalar mýzyka mektebiniń dırektory O.Súleımenuly. “Egemen-aqparat”. ASTANA.

* * *

“Shámshi álemi” shaǵyn baǵy nemese jaqsy bastama jalǵasyn tabýda

Oblys ortalyǵyndaǵy Ál-Farabı aýdanyna qarasty “Kól” mańyndaǵy jańadan salynǵan skverge – “Shámshi álemi” sha­ǵyn­baǵy dep ataý berildi. Bul ásem ataý endi ǵasyrlar boıy ha­lyqqa qyzmet ete bermek. “Shám­shi álemi” shaǵynbaǵynda kóp­tegen oblystyq, respýblıkalyq, halyqaralyq baıqaýlar, festı­val­dar men taǵy basqa da túrli jarystar ótkiziletin bolady. Endi 45-50 jyldan keıin (múmkin Shámshi Qaldaıaqovtyń 125 jyldyǵyna oraı), osy ataý­dy kimniń qoıǵany týraly sóz qozǵalýy múmkin. Sonda keıbir kisiler bul ataýdy men qoıdym dep aıtyp qalýy da ǵajap emes! О́ıtkeni, elý jylda el jańa de­mekshi, búgingi tańda aýdan, qala, oblysta qyzmet istep júrgen­derdiń ol kezde bul pánı dúnıede bolýy nemese bolmaýy bir Allaǵa ǵana aıan. Sondyqtan, osy ataý­dyń qalaı berilgenin biletin ma­man retinde ári tarıh úshin myna jáıtterdi aıta ketsem deımin. Jyldaǵy dástúr boıynsha oblystyq onomastıka komıssııa­synyń hatshysy retinde komıs­sııanyń 2010 jylǵa arnalǵan ju­mys josparyn jasap, oblystyq onomastıka komıssııasynyń tó­ra­ǵasy A.Myrzahmetovke bekitýge usynǵan edik. Kelesi kúni qujat keń­seden shyqqannan keıin baı­qasam, Asqar Isabekuly bıylǵy jyldyń jumys josparyna Shym­­kent qalasyndaǵy “Kól” ma­­­­­ńyndaǵy skverdi “Shámshi álemi” shaǵynbaǵy dep ataý jáne “et­noqalashyqqa” “Táýelsizdik ala­ńy” atyn berý týraly máse­leni óz qolymen jazyp, jospar­ǵa engizgen eken. Osy josparǵa sáıkes Shym­kent qalalyq onomastıka komıs­sııasy óz májilisinde “Kól” ma­ńyndaǵy skverdi “Shámshi álemi” shaǵynbaǵy dep ataý týraly usy­nysty Shymkent qalalyq más­lıhatynyń qaraýyna joldap, bul másele qalalyq máslıhattyń ke­zekti sessııasynda qaralyp, qol­daý tapqan. Iаǵnı, Asqar Isa­bek­ulynyń qolǵa alǵan ıdeıasy iske asyp, Shámshi Qaldaıaqovtyń eskertkishi turǵyzyldy. Sondaı-aq osy “Shámshi álemi” shaǵyn­baǵynda “Juldyzdar alleıasy” ashy­lyp, oǵan elimizge belgili saz­­gerler men ánshilerdiń aty-jóni jazylyp, osy ataý aıasynda dúrkiregen festıval ótpek. Demek, 1992 jyly Shymkent qa­lasynyń ákimi Amalbek Tsha­nov pen qalalyq keńestiń tóra­ǵasy Qýanysh Tólemetovtiń bas­ta­masymen bastalǵan Sh.Qald­aıa­qov atyndaǵy festıval odan ári oblys basshylarynyń tyń ıdeıa­la­rymen jalǵasyn taýyp jat­qa­ny jurtshylyqty qýantyp, eldiń el­digin tanyta túspek! Qabyl DÚISENBI, Ońtústik Qazaqstan oblystyq onomastıka komıssııasynyń hatshysy.