100 mektep, 100 aýrýhana: Derek pen dáıek

Halyqtyń densaýlyǵyn qor­ǵaý mańyzdy mindetterdiń qata­rynda bolǵandyqtan, óńirde baǵ­darlama boıynsha naqty jumys­tar qolǵa alynyp, onyń tııana­ǵy keltirilýde. Mysaly, baǵdar­lamaǵa sáıkes josparlanǵan 6 aýrýhana qurylysyna 14 mlrd. teńge qarastyrylsa, onyń tór­teýinde jumys qyza túsken. Mer­diger uıymdar belgilengen qurylys-qurastyrý jumystaryn tolyq kólemde oryndap, nysan­dardyń sapaly salynýyna mán bergeni osynyń dáleli. Olardyń qatarynda Ile aýda­ny О́tegen batyr kentindegi 200 tósektik Almaty óńirlik balalar aýrýhanasy men 450 adamdy qa­byldaıtyn emhana, Eńbekshi­qa­zaq aýdany, Esik qalasyndaǵy 250 tósektik ortalyq aýrýhana jáne Alakól aýdanyndaǵy Dos­tyq kentindegi 50 tósektik aýyl­dyq aýrýhana qurylystaryn aı­tý­ǵa bolady. Al qalǵan eki den­saýlyq saqtaý nysanyna baı­lanysty tıptik jobalardy jasaý aıaqtalyp, jumys kestege saı jalǵastyrylýda.

Kúmisjan BAIJAN. Almaty oblysy. 

* * *

400 000 000 Aqtóbe qalasyndaǵy Tahaýı Ahtanov atyndaǵy oblystyq drama teatryn kúrdeli jóndeýge bıýdjetten osynshama teńge qarjy  bólingen. Bul qarjynyń 150 mıllıon teńgesi respýblıkalyq bıýdjet­ten, qalǵany jergilikti bıýd­jet­ten bólinip otyr. О́tken jyldyń mamyr aıynda bastalǵan kúrdeli jóndeý jumystary aldaǵy qyr­kúıek aıynda aıaqtalady dep kú­tilýde. Teatrdyń ishi-syrty adam tanymastaı ózgeredi. Jıhazdar, kórermender zalyndaǵy otyr­ǵysh­tar, jyljymaly sahna, aspa­ly shamdar, basqa da zattar to­lyqtaı jańartylady. Jıhaz­dar men basqa qural-jabdyqtar Saýd Arabııasynan, Túrkııadan, Reseıden ákelinýde. Teatrdyń kúrdeli jóndeý jumystaryn “Ok­sıbıld” kompanııasy júr­gizý­de. Munda 70 adam eńbek etýde. Buǵan deıin teatrdyń bas aýrýyna aınalyp kelgen jylý máselesi de oń sheshimin tappaq. Teatr ǵımaratynyń derbes jylý qazandyǵy da salynyp jatyr.

Satybaldy SÁÝIRBAI. Aqtóbe oblysy.

* * *

83 000 О́tken jyly óńirge osynshama adam týrıstik saparmen keldi. Oblys boıynsha 12 týrıstik fırma jumys isteıdi. Baıanaýyl­da­ǵy Jasybaı kóli jaǵasynda  týrısterge arnalǵan 20-shaqty dem­alys úı bar. Bul jerdiń tý­rıstik marshrýtyn tanymdyq-etnografııalyq tarıhı týrızm ortalyǵy dep te ataýǵa bolady. Jyl saıyn osy jerdegi ulttyq saıabaq sharýashylyǵy 35-40 mıl­lıon teńgedeı paıda taýyp  otyr. Ishki týrızmniń órkenıetke ilese bastaýynyń arqasynda Moıyldy kýrortyna, Qalatuz shıpajaıyna Reseıden, Germa­nııadan týrıster kóptep kelýde. Sonymen qatar, oblystaǵy tý­rıs­tik fırmalar syrtqy týrızm salasyna da naqty nazar aýda­rýda. Mysaly, oblystan shetke shyq­qan týrısterdiń 96,2 paıy­zy  TMD-dan tys elderdi tań­da­ǵan. Oblys turǵyndarynan 2009 jyly Túrkııaǵa –3110 adam, Qytaıǵa – 1132, BAÁ – 408, Germanııaǵa – 332, Taılandqa – 291, Mysyrǵa– 235, Chehııaǵa –112 adam baryp qaıtqan.

Farıda BYQAI. Pavlodar oblysy.