Nefertıtı Astanada

Quny shamamen 15 myń AQSh dollaryn qu­raıtyn Mysyrdyń sulý hanshaıymy Ne­fertıtı keýitiniń lısenzıondyq kó­shirmesi elordadaǵy Beıbit­shilik jáne kelisim sa­raıynda jýrnalısterge tanysty­ryl­dy. Aty ańyzǵa aınalǵan sulý hanshaı­ym­nyń keýiti my­syrlyq pı­ramıdalar qazyna­la­ry­nyń kóshirmeleri kórme­si­niń qarsańynda Mysyr­dyń aldyńǵy qatarly ar­heo­logy jáne tarıh­shy­sy, doktor Za­hı Havastyń tálimgerligimen elimizge áke­lingen alǵashqy eks­po­naty bolyp tabylady. Negizinde Nefer­tıtı­diń túpnusqasy búgingi tańda Berlınde saqtaýly. Ma­man­dar elimizge áke­lingen Ne­fertıtı kóshirmesiniń avtory da, jasalý tehno­lo­gııasy da qupııa ekendigin aıtady. Jal­py elimizge ákelingen sulý hanshaıym keýitiniń kó­shir­mesi Qazaqstan men Mysyr arasyndaǵy dostyq pen ózara qarym-qatynasty ny­ǵaı­týdyń belgisi retinde el­ordadaǵy Beıbitshilik jáne kelisim saraıyna syılanǵan eken. Bir aıta ketetin jaıt, búgingi kúnge deıin Nefertıtıdiń ómirde bolǵandyǵy jaıly naqty aqparat tabylǵan joq. Ras, zertteýshiler hanshaıymnyń týǵan jeri týraly birneshe boljamnyń tabylǵandyǵyn jáne onyń árqaısysy az da bolsa shyndyqqa janasatyndyǵyn aıtady. Áıtse de onyń ózi de ázirge boljam ǵana. Keýittiń tanystyrylymy barysynda Beı­bitshilik jáne kelisim sa­raıynyń bas dırektory Bolat Majaǵulov Nefertı­tıdiń elordaǵa ákeliný ba­rysyndaǵy biraz qyzyqty oqıǵalardy baıandaı kele: “Álem boıynsha Nefertı­tıdiń kóshirmesi sanaýly ǵana memleketterde kezdesedi. Bir jaǵynan Qazaqstanǵa syıǵa tartylǵan bul kóshirme elimizdiń abyroıyn da pash etkendeı. TMD elderi ishinde atalǵan tarıhı jádigerdiń lısenzııasy bar kóshirmesi tek Qazaqstanǵa ǵana berilip otyr. Ol úshin Mysyr eliniń belgili arheology, doktor Zahı Havasqa aıtar alǵy­symyz mol”, – dedi. Nefertıtıdiń kóshirme­si­men tanystyrý is-sharasy barysynda osy saraıǵa qarasha aıynda 35-ten astam tarıhı jádigerlerdiń kó­shirmesi de qoıylatyndyǵy belgili boldy. Atap aıt­qan­da, ejelgi pıramıdalardyń qazynasyna arnalǵan kór­me­ge Ramzes II jáne Týtanha­mon sııaqty ejelgi Mysyr eliniń tarıhı tul­ǵalarynyń músinderi, sfınkster jáne mas­kalardyń kóshirmeleri kelýshiler nazaryna usynylmaq. Araı ÚIRENIShBEKQYZY.

* * *

STÝDENT-QURYLYSShYLAR ÚLESI

Qazir Kendi Altaıda stýdentterdiń qurylys otrıadtary quramynda eki myńnan astam adam eńbek etip jatyr. Budan biraz buryn Belarýske bir top stýdent-qurylysshylar attanyp ketken-tin. Stýdentterdiń qurylys jáne jastardyń eńbek otrıadtary oblystyq shtabynyń tóraǵasy Igor Shaskııdiń aıtýynsha, jigerli jastar qala irge­sindegi “Nurly kósh”, “100 mektep, 100 aýrýhana”, “Jol kartasy” baǵdarlamalary boıynsha salynyp jatqan áleýmettik ǵımarattar qurylystaryna belsene ara­lasýda. Sondaı-aq Qazaqstan men Reseı yntymaq­tas­tyǵy aımaqaralyq forýmyna ázirlik barysy aıasynda óskeleń О́skemenniń kórkeıýine de laıyqty úlesterin qosyp jatyr. S.Amanjolov jáne D.Serikbaev atyndaǵy Shyǵys Qazaqstan memlekettik jáne Shyǵys Qazaqstan memlekettik tehnıkalyq ýnıversıtetteriniń stýdent-qurylysshylary sý tasqyny oryn alǵan aýdandarda da turǵyn úılerdi salýǵa belsene aralasýda. Ońdasyn ELÝBAI. yǵys Qazaqstan oblysy.