Qazaqstan Respýblıkasy 2016 jylǵy 16 qańtarda Býrkına-Faso astanasy Ýagadýgý qalasynda oryn alǵan jáne saldarynan ondaǵan jazyqsyz azamattyń ómirin qıǵan lańkestik áreketti qatań jáne úzildi-kesildi aıyptaıdy.
Býrkına-Faso bıligin tolyǵymen qoldaı otyryp, Qazaqstan memleket pen óńirdiń lańkestikke qarsy kúres áreketterine nıettestigin bildiredi.
Lańkestik saldarynan qaza bolǵandardyń týystary men jaqyndaryna kóńil aıtamyz jáne zardap shekken azamattarǵa tez arada saýyǵyp ketýlerin tileımiz.
Álem boıynsha lańkesterdiń qylmystyq áreketteriniń belsendi bola túsýi aıasynda, atalǵan qubylyspen tabandy kúreste halyqaralyq qoǵamdastyq kúshteriniń birigýine jáne BUU qaramaǵynda jahandyq lańkestikke qarsy jeli qurýǵa shaqyramyz.