ASTANA. 20 qańtar. Reseıdiń Orynbor oblysynda jol apatynan úsh adam qaza taýyp, úsh adam túrli jaraqat aldy. Oqıǵa Býzýlýk aýdanyna qarasty Aldarkıno eldi-mekenine taıaý jerde boldy. Bul týraly TASS aqparat agenttigine silteme jasaǵan egemen.kz tilshisi habarlady.
«Aldyn-ala boljam boıynsha, VAZ-21099 avtokóliginiń júrgizýshisi rólge ıe bola almaǵan. Osynyń saldarynan joldyń qarsy betine shyǵyp ketip, Toyota kóligine soqtyǵysty», – dep málimdedi aımaqtyq Ishki ister departamenti.
Qaqtyǵys saldarynan gaz júıesimen jabdyqtalǵan VAZ-21099 avtomobıli sol mezette órtenip ketti. Kóliktegi 3 adam oqıǵa ornynda qaza tapty. Al Toyota ishinde zardap shekken 3 jolaýshy jaqyn mańaıdaǵy aýrýhanalarǵa jetkizildi.
Aýa raıynyń kúrt buzylýyna baılanysty aımaqta tótenshe jaǵdaı jarııalandy. Qazirgi kezde qar aralas jańbyr jaýyp, boran soǵyp tur.
Aıan Ábdýálı.
Derek, sýret: TASS.