ASTANA. 20 qańtar. Irakta lańkester eń ejelgi hrıstıandyq ǵıbadathanalardyń birin joıyp jiberdi. Bul týraly 24.kz-ǵa silteme jasaǵan egemen.kz tilshisi habarlady.
«Irak pen Levant» lańkestik toby eldegi hrıstıan dinine tıesili eń ejelgi ǵıbadathanany qıratqan. Ony amerıkalyq zertteýshiler spýtnık arqyly sýretke túsirip alǵan.
Mosýl provınsııasynyń aýmaǵyndaǵy bul ǵıbadathana shamamen 1400 jyl buryn salynǵan. Al ǵımarattyń kúıregen sátine jergilikti turǵyndar kýá bolǵan.
Arızona ýnıversıtetiniń zertteýshisi Sıýzan Bott: «Bul ǵıbadathana qaıta qalpyna kelmeıtin zattarmen salynǵan. Bir buzylsa, birjola qıraıdy. Qalpyna keltiremin dep tyrysqannyń ózinde ǵımarat báribir tarıhı mańyzyn joıady», – dedi.
Talǵat Raıymbek.
Derek, sýret: egemen.kz.