QOSTANAI. 23 aqpan. Mamandar kóktemgi sý tasqyny oblystyń ońtústik aýdandarynda shamamen naýryz aıynyń 22-25-nen bastalyp, sáýir aıynyń 21-ne qaraı aıaqtalady, soltústik aýdandarda sáýir aıynyń basynan aıaǵyna deıin sozylatynyn aıtyp otyr. Osyǵan oraı oblysta sý tasqyny zardaptarynyń aldyn alýǵa baılanysty qyzý daıyndyq jumystary bastalyp ketti. Bul jóninde egemen.kz tilshisi habarlady.
О́tken jyldyń qarasha aıy men osy jyldyń qańtary aralyǵynda túsken qardyń kólemi 99 mılımetr boldy. Oblys boıynsha jaýǵan qardyń bıiktigi 34 mılımetrdi quraıdy, bul ótken jyldarmen salystyrǵanda bir jarym esege kóp. Qar sýynyń kóptigi de burnaǵy jyldarǵa qaraǵanda eki ese kóp. Alaıda tótenshe jaǵdaılar basqarmasy tótenshe jaǵdaılardyń aldyn alý basqarmasynyń basshysy, podpolkovnık Orynqyz Meńdibaevanyń aıtýyna qaraǵanda, sýdyń tasýy qardyń túsýine emes, onyń qalaı erýine baılanysty.
«Qalyń qar jabyny ózendegi sý deńgeıiniń joǵarǵy kórsetkishi emes. Eger kún birden jylyp ketse, qardyń erýinen sý molshylyǵy bolady, al túnde qatqaq bolyp, qar kúndiz ǵana erise onda sýdyń kóp bolmaýy múmkin», – dedi tótenshe jaǵdaılar basqarmasy tótenshe jaǵdaılardyń aldyn alý basqarmasynyń basshysy, podpolkovnık Orynqyz Meńdibaeva.
Oblysta kóktemgi sý tasqynynyń jaıylma sý jolynda 1840 turǵyn úı men 7918 adam, 35 avtojol ýchaskisi, 17 elektr togyn berý syzyǵynyń ýchaskesi, Áýlıekól, Altynsarın, Amangeldi, Denısov, Jitiqara, Jangeldın, Qamysty, Qarabalyq, Qostanaı, Naýyrzym, Sarykól, Taran jáne Uzynkól aýdandaryndaǵy 49 eldi mekender, sondaı aq, Lısakov pen Arqalyq qalalary qalyp tur.
Sý tasqynynyń aldyn alý úshin aımaqtyń eldi mekenderinde qar shyǵarý jumystary uıymdastyryldy. Senbilikter ótkizilip, departament qyzmetkerleri turǵyn úılerdi aralap, turǵyndarǵa ózderine qarasty aýmaqtardy qardan tazartý qajettiligi jaıynda túsinik jumystaryn júrgizedi. Aqpan, naýryz aılarynda aımaqty áýeden barlap ushýdy, ózenderde muz jarý jumystaryn júrgizý aýa raıyna qaraı sáýir aıynyń birinshi nemese ekinshi onkúndigine josparlanyp otyr.
Názıra Járimbetova.
Derek, sýret: egemen.kz.