ASTANA. 7 naýryz. Frıstaıldan Shveısarııanyń Aırolo qalasynda ótken Eýropa Kýbogynda qazaqstandyq sportshy Janbota Aldabergenova top jardy. Bul týraly Shańǵy sporty halyqaralyq federasııasynyń resmı saıty – fis-ski.com-ǵa silteme jasaǵan egemen.kz tilshisi habarlady.
Otandasymyz 152,95 upaı jıyp, aldyna jan salmady. Al 149,70 upaı enshilegen belorýs qyzy Hanna Hýskova kúmis medaldi moınyna taqty. Onyń otandasy Aleksandra Romanovskaıa 149,17 upaımen úzdik úshtikti túıindedi.
Aıta keteıik, osy saıysqa qatysqan taǵy bir qazaqstandyq Jibek Arapbaeva 122,3 upaı jınap, 8-orynǵa taban tiredi. Atalǵan jarysta barlyǵy 12 sportshy baq synaǵanyn atap ótken jón.
Elaman Qońyr.
Derek: fis-ski.com.
Sýret: facebook.com.