ASTANA. 7 naýryz. Erteń Almatydaǵy Balýan Sholaq atyndaǵy sport jáne mádenıet saraıynda qazaqtyń ataqty balýany, erkin kúresten KSRO chempıony, KSRO halyqtary Spartakıadasynyń chempıony Ábilseıit Aıhanovpen qoshtasý rásimi ótedi. Bul týraly egemen.kz tilshisi habarlady.
Marqumnyń janazasy saǵat 10.00-de shyǵarylady.
Búgin Mádenıet jáne sport mınıstrligi Sport jáne dene shynyqtyrý isteri komıtetiniń baspasóz hatshysy Baqytbek Hamıt áıgili balýannyń qaıtys bolýyna baılanysty mınıstrliktiń marqumnyń týǵan-týystaryna kóńil aıtý hatyn joldaǵanyn aıtty. Onda bylaı delingen: «Qazaq kúresi orny tolmas qazaǵa ushyrady. Keshe qazaqtyń ataqty balýany, erkin kúresten KSRO chempıony, KSRO halyqtary Spartakıadasynyń chempıony Ábilseıit Aıhanov dúnıeden ótti.
Ábilseıit Rústemulynyń qazaq kúresine sińirgen eńbegi orasan zor. О́tken ǵasyrdyń 50-60 jyldary Qazaqstan birinshiliginde 11 márte jeńimpaz atanyp, Odaq kóleminde ótken talaı baıraqty básekelerde olja saldy. Keıinnen dene tárbıesi teorııasynyń professory atanyp, shákirt tárbıeleýde elimizge ólsheýsiz úles qosty. Onyń qol astynda jattyqqan talaı balýandar kóptegen halyqaralyq jarystarda top jaryp, elimizdiń mereıin ósirdi.
Ábilseıit Aıhanov - KSRO quramasynda oıyp turyp oryn alǵan alyp tulǵaly balýandarymyzdyń biri jáne biregeıi.
Biz Ábilseıit Rústemulynyń qazaq sportyna qosqan ólsheýsiz eńbegin eshqashan umytpaımyz. Marqumnyń artta qalǵan týǵan-týystaryna kóńil aıta otyryp, ımany salamatty bolsyn deımin. Aǵamyzdyń jatqan jeri jaryq, topyraǵy torqa bolsyn!»
Dastan Kenjalın.
Derek, sýret: Mádenıet jáne sport mınıstrligi Sport jáne dene shynyqtyrý isteri komıteti.