ASTANA. 8 naýryz. Búgin fýtboldan elimizdiń qazirgi chempıony «Astana» komandasy men Qazaqstan Kýbogynyń ıegeri Almatynyń «Qaıraty» Qazaqstan Sýperkýbogyn sarapqa salady. «Astana Arena» stadıonynda ótetin match jergilikti ýaqytpen saǵat 15:00-de bastalady. Bul týraly egemen.kz tilshisi habarlady.
Atalǵan oıynǵa О́zbekstannyń tanymal tóreshisi Ravshan Irmatov qazylyq etedi. Odan bólek, match ótetin ýaqytta qalada kólik qozǵalysy shekteletinin atap ótken jón. Naqty aıtqanda, saǵat 13:00-den bastap Qabanbaı batyr jáne Turan dańǵyldary boıynda Kereı men Jánibek handar kóshesinen Hýseın ben Talal kóshesine deıingi bóliginde kólik qozǵalysy toqtatylady. Joldar match sońyna deıin jabyq bolady. Sondyqtan áýejaıǵa baratyn astanalyqtarǵa jáne jaqyn mańdaǵy eldi mekenderdiń turǵyndaryna polıseıler aınalyp ótý joldaryn aldyn ala josparlaýdy usynady. Eń yńǵaıly jol – Orynbor kóshesi arqyly júrý.
Dástúr boıynsha fýtbol áýesqoılary úshin arnaıy transfer uıymdastyrylady. Avtobýstar jankúıerlerdi bes jerden alyp ketedi. Olar: «Qazaqstan» sport saraıynyń, Qajymuqan Muńaıtpasov atyndaǵy stadıonnyń, «Áziret Sultan» jáne «Nur Astana» meshitteriniń, sondaı-aq, elordalyq sırktiń avtoturaqtary.
Elaman Qońyr.
Derek: egemen.kz.
Sýret: vesti.kz.