ASTANA. 8 naýryz. Týnıstiń Lıvııamen shekaralas jatqan Ben-Gerdan qalasynda lańkestik uıymdardyń shabýylynan 50 adam qaza tapty. Bul týraly TASS aqparat agenttigine silteme jasaǵan egemen.kz tilshisi habarlady.
Mert bolǵandardyń arasynda 35 sodyr, 7 beıbit turǵyn jáne bılik áskeriniń 7 sarbazy bar. Sondaı-aq, 12 jasar balanyń da qaza tapqany anyqtaldy. Kýágerlerdiń aıtýynsha, qalaǵa shabýyl jasaǵan lańkester eshkimge qaramastan oq jaýdyrǵan, sondaı-aq, alǵa qoıǵan maqsattaryna jetý úshin baryn salatyndaryn aıtqan.
Bul is josparly túrde júzege asqan. Oqıǵa ornynda ázirge tergeý amaldary júrip jatyr. Aldyn ala boljam boıynsha, «Irak pen Levant» ekstremıstik toptarynyń isi bolýy múmkin. Qazir Ben-Gerdan qalasynda komendattyq saǵat jarııalandy.
Aıta keteıik, osydan birneshe kún buryn atalǵan top Sırııanyń soltústik-shyǵysyndaǵy elektr stansııasyn basyp alyp, tasjoldy jaýyp tastaǵan. Sırııada Bashar Asad úkimeti men oppazısııalyq kúshterdiń arasynda beıbit kelisim ornady. Alaıda, bul kelisimniń «Irak pen Levant» lańkestik uıymyna esh qatysy joq.
Aıan Ábdýálı.
Derek: TASS.
Sýret: news.mail.ru.