Maqsat – ishki rynokty qamtamasyz etip, eksport áleýetin arttyrý

12 qańtarda Aqordada Memleket basshysy Nursultan Nazarbaevtyń tóraǵalyǵymen mal sharýashylyǵyn damytýdyń kókeıkesti máseleleri boıynsha jumys keńesi bolyp ótti, dep habarlady Qazaqstan Respýblıkasy Prezıdentiniń baspasóz qyzmeti. Jumys keńesine Premer-Mınıstr K.Másimov, Premer-Mınıstrdiń birinshi orynbasary О́.Shókeev, Prezıdenttiń kómek­shisi B.Sultanov, Aýyl sharýa­shy­lyǵy mınıstri A.Kúrishbaev, «Qaz­Agro» AQ basqarma tór­aǵa­sy A.Mamytbekov qatysty. Keńes barysynda mal sharýa­­shylyǵyn odan ári damytýdyń máseleleri, sondaı-aq el ekono­mı­kasyndaǵy agrarlyq sektor­dyń jalpy jaǵdaıy talqylandy. 2010 jyly Qazaqstan Respýb­lıkasynda keıingi naqtylanǵan esep boıynsha 12,2 mıllıon tonna astyq jınaldy. Maıly da­qyl­dardyń jalpy jıyny – 775,5 myń tonna, kókónis 2,6 mıl­lıon tonna boldy. 2010 jyly Qa­zaq­standaǵy et ónimi – 1,4 mıllıon tonnany, sút – 5,1 mıllıon ton­nany, jumyrtqa – 3 432,5 mıllıon danany, jún 35,8 myń ton­nany qurady. Elimizdegi barlyq mal túrleriniń jáne qustyń sa­ny: iri qara – 6,5 mıllıon bas; qoı men eshki – 19,0 mıllıon bas; jylqy – 1,56 mıllıon bas; túıe – 164,9 myń bas; qus – 34,8 mıllıon bas; shoshqa 1,56 mıllıon bas boldy. Qazaqstanda mal sharýashy­ly­ǵy salasyn damytýdaǵy basty maqsat eldiń mal ónimderine degen ishki suranysyn tolyq qam­ta­masyz etý, sondaı-aq onyń eks­porttyq áleýe­tin júzege asyrý bolyp tabylady. Atalǵan maq­satqa aǵymdaǵy jaǵ­daıdy jáne ishki tutyný ósiminiń perspek­tıvalaryn esepke alǵanda, qazirgi mal basyn asyldandyrý men sa­pasyn jaqsartý arqyly qol jetkizýge bolady. Júzege asyrylyp jatqan sharalardy esepke ala kele, elimizdegi asyl tuqymdy mal ba­synyń jalpy sanyn 2015 jyl­ǵa qaraı 2 esege,  al 2020 jyl­ǵa qaraı 4 esege kóbeıtý jospar­lanyp otyr. Asyl tuqymdy maldyń jalpy sany 2020 jylǵa qaraı 2 esege derlik kóbeımek. Bul, túptep kelgende, ishki ry­nok­ty joǵary sapaly sıyr etimen tolyq qamtamasyz etip, birte-birte eksporttyq áleýetti arttyrýǵa alyp keledi. Onyń ústine, Qa­zaqstannan shyǵaryla­tyn sıyr etiniń eksporty 2013 jyly shamamen 13 myń tonnany, al 2020 jylǵa qaraı 83 myń ton­naǵa deıingi kórsetkishti qu­raıdy. Keńes qorytyndysy boıyn­sha Memleket basshysy birqatar naqty tapsyrmalar berdi. Sýretti túsirgender S.BONDARENKO, B.OTARBAEV.