Asa qurmetti Nursultan Ábishuly!
Biz, Sizdiń ókilettigińizdi 2020 jylǵa deıin uzartý jónindegi respýblıkalyq referendýmnyń bastamashylary, Sizge, Qazaqstan Respýblıkasynyń Tuńǵysh Prezıdenti – Elbasyna úndeý jasap otyrmyz. Bizdiń bastamamyz qoǵamda aıryqsha serpilis týǵyzdy jáne bes mıllıonnan astam qazaqstandyqtar, ıaǵnı saılaýshylardyń 55 paıyzy referendým ótkizýdi qoldap, óz qoldaryn qoıdy. Bul Siz júrgizip otyrǵan saıası baǵyttyń búkilhalyqtyq qoldaýǵa ıe ekenin barynsha aıqyndylyqpen dáleldeıdi! Respýblıka Konstıtýsııasyna sáıkes, bıliktiń jalǵyz qaınar kózi halyq bolyp tabylady jáne sol halyq Sizdi aldaǵy onjyldyqta elimizdi ómir súrý deńgeıi joǵary sanalatyn álemniń damyǵan memleketteri qataryna qosýǵa qabiletti Kóshbasshy retinde sanaıdy. Saılaýshylardyń óz erik-qalaýyn bildirýi – memleketimizdiń táýelsizdigin nyǵaıtýǵa, onyń ilgeri damýyna jáne azamattarymyzdyń ál-aýqatynyń artýyna baǵyttalǵan Sizdiń qajyrly qyzmetińizge berilgen shynaıy baǵa. Táýelsizdiktiń ótken on toǵyz jyly ishinde eldiń ishki jalpy óniminiń 16 eseden astam óskenin atap aıtýdyń ózi jetkilikti. Jalaqy, zeınetaqy jáne ózge de áleýmettik tólemder udaıy ósip keledi. Jańa mektepter, aýrýhanalar men mádenıet úıleri boı kóterýde. Keń aýqymdy baǵdarlamalar, sonyń ishinde Qazaqstannyń ındýstrııalyq áleýetin túpkilikti jańartýǵa jáne myńdaǵan jańa jumys oryndaryn ashýǵa múmkindik beretin eldiń údemeli ındýstrııalyq-ınnovasııalyq damý baǵdarlamasy iske asyrylýda. О́ziniń dál búgingideı halyqaralyq zor bedelge ıe bolýynda Qazaqstan naqty Sizge, álemdik deńgeıdegi Kóshbasshyǵa qaryzdar. Buǵan Semeı synaq polıgonyn jabý men ıadrolyq qarýdan bas tartý, Qazaqstannyń EQYU-ǵa tóraǵalyq etýi, ıntegrasııalyq bastamalaryńyz ben ózge de qolǵa alǵan isterińiz yqpal etti. Sizdiń kóshbasshylyǵyńyzdyń arqasynda Qazaqstan aıtýly jeńisterge qol jetkizdi. Alaıda aldymyzda atqarar is áli kóp. Jáne dem berýshisi ózińiz bolyp otyrǵan barlyq bastamalar naq Sizdiń basshylyǵyńyzben jalǵasyn tapqany asa mańyzdy. Sizdiń baǵa jetpes tájirıbeńiz ben qaısar minezińiz, memleketshil tulǵańyz jáne eshbir daǵdarystar men synaqtarǵa boı aldyrmaı eldegi barlyq isterdiń tynys-tirshiligin árdaıym sezip-bilip otyratyn qabiletińiz olardy iske asyrýdyń kepiline aınalǵan. Beıbit ómir, qoǵamdaǵy turaqtylyq pen otbasyndaǵy bereke, eli úshin maqtanysh sezim jáne keleshekke degen senim referendým ótkizý ıdeıasyn búkil halyq bolyp qoldaýdyń alǵysharty boldy. Bul – azamattardyń ózińizdiń basshylyǵyńyzben Qazaqstannyń qol jetkizgen mol tabystaryna degen rızashylyq sezimi men olardyń jańa jeńisterge degen úmiti. Qazaqstannyń mıllıondaǵan turǵyndary atynan bastamashyl top Sizge, qurmetti Nursultan Ábishuly, úndeý jasap, referendým ótkizýge kelisim berýińizdi suraıdy. Halyqtyń erik-qalaýy Siz úshin qasıetti sanalady jáne Siz eshkimge de halyq pikirimen sanaspaýǵa, elep-eskermeýine jol bermeısiz. Siz bar ǵumyryńyzdy halqyńyzǵa jáne Otanymyzǵa qyzmet etýge arnap kelesiz. Halyq memleketimizdiń qalyptasýynyń osynaý qıyn-qystaý jyldarynda Sizdi árdaıym qoldap, buljymaı sońyńyzdan erdi. Búgin de, ıaǵnı elimiz úshin osynaý taǵdyrsheshti sátte Siz óz halqyńyzdyń bastamasyn qoldaıdy dep senemiz.Qazaqstan Respýblıkasynyń Prezıdenti –
Elbasy N.Á.Nazarbaevtyń prezıdenttik ókilettigin
uzartý jónindegi referendýmnyń bastamashy toby.
2011 jylǵy 12 qańtar.
Qazaqstan Respýblıkasy
Parlamentiniń depýtattaryna
Qurmetti depýtattar!
Biz, Qazaqstan Respýblıkasynyń Prezıdenti – Elbasy N.Á.Nazarbaevtyń prezıdenttik ókilettigin 2020 jylǵa deıin uzartý jónindegi referendýmnyń bastamashy tobynyń músheleri, Sizderge joǵary zań shyǵarýshy bıliktiń ókilderi retinde úndeý jasap otyrmyz. Referendým ótkizý jónindegi bizdiń bastamamyzdyń túrli ulttar men dinder ókilderi, barlyq jastaǵy býyndar men áleýmettik toptar tarapynan búkilhalyqtyq qoldaýǵa ıe bolýy memleketimizdiń basshysyna degen asa joǵary senimdi aıǵaqtaıdy. Bul qoldaý – elimizdiń Tuńǵysh Prezıdentiniń memlekettilikti nyǵaıtý, Qazaqstannyń serpindi áleýmettik-ekonomıkalyq damýyn qamtamasyz etý jáne onyń halyqaralyq bedelin arttyrýǵa baǵyttalǵan kóregen saıasatyn shúbásiz moıyndaý bolyp tabylady. Biz belsendi azamattyq ustanymy men el keleshegine degen janashyrlyǵy úshin barsha otandastarymyzǵa rızashylyǵymyzdy bildiremiz. Biz, sondaı-aq, bastamamyzdy belsendi ári jan-jaqty qoldaǵan Parlament depýtattaryna alǵysymyzdy aıtamyz. Referendým ıdeıasyna qoldaý kórsetken bes mıllıonnan astam qazaqstandyqtardyń atynan Sizderden Parlament palatalarynyń birlesken otyrysynyń qaraýyna «Qazaqstan Respýblıkasynyń Prezıdenti – Elbasy N.Á.Nazarbaevtyń prezıdenttik ókilettigin respýblıkalyq referendýmda 2020 jylǵa deıin uzartý múmkindigin kózdeıtin Qazaqstan Respýblıkasy Konstıtýsııasyna ózgeris engizý týraly» máseleni shyǵarýlaryńyzdy suraımyz. Bul – búkilhalyqtyq referendýmdy qoldaýǵa qoldaryn qoıyp, ózderiniń bolashaǵy men elimizdiń keleshek damýyn Qazaqstannyń Tuńǵysh Prezıdentimen baılanystyratyn respýblıka saılaýshylarynyń jartysynan astamynyń tikeleı erik-qalaýy.Qazaqstan Respýblıkasynyń Prezıdenti –
Elbasy N.Á.Nazarbaevtyń prezıdenttik ókilettigin uzartý jónindegi
referendýmnyń bastamashy toby.
2011 jylǵy 12 qańtar.