ASTANA. 21 sáýir. Aýǵanstannyń burynǵy prezıdenti Hamıd Karzaı Eýrazııalyq medıa forýmda sóılegen sózinde álemniń túkpir-túkpirinde ara-tura bas qyltıtyp, júzdegen, myńdaǵan adamnyń ómirin qıyp jatqan terrorıstik áreketterge saıasatkerlerdiń kináli ekenin atap ótti. Bul týraly egemen.kz tilshisi habarlady.
Ol forýmda terrorızm problemasyna toqtalyp, onyń álemdik qaýipsizdik júıesine qaýip tóndirip jatqanyn aıtty. «Qazirgi tańda terrorızm dúnıejúzi boıynsha buryn-sońdy bolmaǵan ózekti problemaǵa aınaldy. Eshkim, eshqandaı el lańkesterdiń shabýylynan saqtanyp otyrǵan joq. Men ózim el basqarǵan adam retinde terrorızmniń japaı etek alýyna saıasatkerlerdiń kinási bar degim keledi. О́ıtkeni, olar terrorısterdi barlyq jaǵynan qoldap otyr», dedi ol.
Kezinde Hamıd Karzaı Aýǵanstannyń prezıdenti retinde álemniń eń zııaly memleket basshysy atanǵan bolatyn.
Dastan Kenjalın.
Derek, foto: egemen.kz