ASTANA. 21 sáýir. Bokstan Qazaqstan ulttyq qurama komandasynyń bas jattyqtyrýshysy Myrzaǵalı Aıtjanov Gennadıı Golovkınniń Domınık Ýeıdpen bolatyn jekpe-jekte 7-8 raýndta jeńetinin aıtty. Bul týraly egemen.kz tilshisi habarlady.
«Golovkın Ýeıdti 7-8 raýndta jeńedi. 12 raýndtqa deıin jekpe-jek bolmaıdy. Ýeıd – ortańqol boksshy. Oǵan Golovkınge jetýge áli biraz jumys isteý kerek. Al Golovkın tájirıbeli boksshy. Ol bokstyń ystyq-sýyǵynan ótken. Gennadıı Alvaresti jekpe-jekke shaqyrdy dep estidim. Qazir ol Kotto, basqa da boksshylar sııaqty otandasymyzdan qashyp júr. Shaqyrtýlaryna jaýap bermeıdi», dedi ol.
Sondaı-aq, Myrzaǵalı Aıtjanov ulttyq qurama komandanyń múshesi 75 kıloǵa deıingi salmaqta bokstasatyn Jánibek Álimhanuly men Gennadıı Golovkınniń sharshy alańdaǵy aıqastary bir-birine uqsas ekenin aıtty.
Dastan Kenjalın.
Derek, foto: Qazaqstan boks federasııasy.