2015 jylǵy 25 aqpan, Astana qalasy
«Parfıýmerlik-kosmetıkalyq ónimder men aýyz qýysy gıgıenasy quraldaryn óndirýge, ótkizýge jáne saqtaýǵa qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly
«Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 144-babynyń 6-tarmaǵyna sáıkes buıyramyn:
1. Qosa berilip otyrǵan «Parfıýmerlik-kosmetıkalyq ónimder men aýyz qýysy gıgıenasy quraldaryn óndirýge, ótkizýge jáne saqtaýǵa qoıylatyn sanıtarııalyq-epıdemıologııalyq talaptar» sanıtarııalyq qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn;
3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsyna ornalastyrylýyn qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV
«KELISILGEN»
Qazaqstan Respýblıkasynyń Densaýlyq saqtaý jáne áleýmettik damý mınıstri
_______________ T. Dúısenova
2015 jylǵy 27 aqpan
«KELISILGEN»
Qazaqstan Respýblıkasynyń Investısııalar jáne damý mınıstri
_______________ Á. Isekeshev
2015 jylǵy 4 naýryz
Qazaqstan Respýblıkasy Ulttyq ekonomıka mınıstriniń
2015 jylǵy 25 aqpandaǵy №135 buıryǵymen bekitilgen
«Parfıýmerlik-kosmetıkalyq ónimder men aýyz qýysy gıgıenasy quraldaryn óndirýge, ótkizýge jáne saqtaýǵa qoıylatyn sanıtarııalyq-epıdemıologııalyq talaptar» sanıtarııalyq qaǵıdalary
1. Jalpy erejeler
1. «Parfıýmerlik-kosmetıkalyq ónimder men aýyz qýysy gıgıenasy quraldaryn óndirýge, ótkizýge jáne saqtaýǵa qoıylatyn sanıtarııalyq-epıdemıologııalyq talaptar» sanıtarııalyq qaǵıdalary (budan ári – sanıtarııalyq qaǵıdalar) parfıýmerlik-kosmetıkalyq ónimder men aýyz qýysy gıgıenasy quraldaryn óndirýge, ótkizýge jáne saqtaýǵa qoıylatyn sanıtarııalyq-epıdemıologııalyq talaptardy belgileıdi.
2. Osy sanıtarııalyq qaǵıdalarda mynadaı termınder men anyqtamalar paıdalanyldy:
1) aýyz qýysy gıgıenasy quraldary (budan ári – AQGQ) – jalǵyz jáne (nemese) basty maqsaty olardy tazartý, hosh ıistendirý, olardyń syrtqy túrin ózgertý, olardy qorǵaý, jaqsy jaǵdaıda saqtaý bolatyn, tiske, qyzyl ıekke jáne aýyz qýysynyń silekeıli qabyǵyna tikeleı jaǵýǵa arnalǵan gıgıenalyq jáne (nemese) profılaktıka áseri bar parfıýmerlik-kosmetıkalyq ónim;
2) parfıýmerlik-kosmetıkalyq ónim (budan ári – PKО́) – jalǵyz nemese basty maqsaty olardy tazartý, olardyń syrtqy túrin ózgertý, jaǵymdy ıis berý jáne (nemese) deneniń ıisin ózgertý jáne (nemese) ony qorǵaý jáne (nemese) jaqsy jaǵdaıda saqtaý jáne (nemese) olardy kútý bolatyn, adamnyń syrtqy jamylǵysyna (terisine, túkti jamylǵysyna, tyrnaǵyna, ernine jáne syrtqy jynys organdaryna) nemese tiske jáne aýyz qýysynyń silekeıli qabyǵyna tikeleı jaǵýǵa arnalǵan zat nemese zattar qospalary.
2. Parfıýmerlik-kosmetıkalyq ónimder men aýyz qýysy gıgıenasy quraldaryn
óndirýge qoıylatyn sanıtarııalyq-epıdemıologııalyq talaptar
3. PKО́ men AQGQ óndirý jáne ótkizý boıynsha obektilerdi ornalastyrýǵa, jer ýchaskelerin berýge, salýǵa jáne rekonstrýksııalaýǵa arnalǵan jobalaý qujattamasyn bekitýge, paıdalanýǵa berýge halyqtyń sanıtarııalyq-epıdemıologııalyq salaýattylyǵy salasyndaǵy memlekettik organ vedomstvosynyń sanıtarııalyq-epıdemıologııalyq qorytyndysy bar bolǵanda jol beriledi.
4. Obektiler jeke aýmaqta ornalastyrylady. О́ndiristiń aýmaǵyn jaryqtandyrylýy, qorshalýy jáne kógaldandyrylýy qarastyrylady.
Aýmaq óndiristik jáne sharýashylyq aımaqtarǵa bólinedi:
1) óndiristik aımaqta óndiristik úı-jaılary, shıkizat pen daıyn ónimge arnalǵan qoıma úı-jaılary, turmystyq úı-jaılary, medısınalyq pýnkti bar óndiristik korpýs ornalasady;
2) sharýashylyq aımaqta jóndeý sheberhanalary, ydysty jáne otyndy saqtaýǵa arnalǵan qoımalar, qazandyq, garaj, qoqysty jınaýǵa arnalǵan konteınerleri bar alań, aýlalyq dárethana ornalasady.
5. Sharýashylyq aımaq óndiristik aımaqqa qatysty jeldiń yq jaǵynda ornalasady jáne jas kóshettermen bólinedi. Kólik kiretin jerler men jaıaý júrginshiler júretin joldar asfalttalady nemese qatty jabyny bolady.
6. Ydystar, qurylys jáne sharýashylyq materıaldary qoımalarda saqtalady. Ydystardy asfalttalǵan alańdarda qalqanyń astynda jınaýǵa jáne olardy ýaqytsha saqtaýǵa jol beriledi.
7. Atmosferalyq sýdyń aǵyp ketýi úshin ǵımarattan jáne basqa qurylystardan sý toǵandaryna baǵyttalǵan eńister jabdyqtalady. Sý toǵandary men sýaǵarlar júıeli túrde tazalanady, ýaqtyly jóndeledi.
8. Aýmaq kúndelikti jınalady jazǵy ýaqytta – sý sebiledi, qysqy ýaqytta – qardan jáne muzdan tazartylady, qum sebiledi.
9. Qaldyqtar men qoqysty jınaý úshin ólshemderi konteınerler negizderiniń alańynan úsh esege asatyn jáne óndiristik jáne qosalqy úı-jaılardan 25 metrden jaqyn ornalaspaıtyn, asfalttalǵan alańda ornatylatyn metall konteınerler paıdalanylady.
10. Qaldyqtar men qoqysty shyǵarý olar konteıner syıymdylyǵynyń úshten ekisinen aspaı jınaqtalǵanda, biraq kúnine keminde bir ret júrgiziledi. Bosatylǵannan keıin konteınerler jýylady jáne dezınfeksııalanady.
11. Qoqys shyǵarý shıkizat pen daıyn ónimdi tasymaldaý úshin paıdalanýǵa jol berilmeıtin arnaıy kólik quraldarymen júzege asyrylady.
12. Obektilerdiń ǵımarattary sýmen jabdyqtaý, káriz, jylytý, jeldetý, jaryqtandyrý jáne aýa baptaý júıelerimen qamtamasyz etiledi.
13. Tehnıkalyq jáne aýyz sýdyń sý qubyrlary bólek bolady, erekshelenetin tústerge boıalady jáne bir-birimen qosylmaıdy.
14. Obektilerdi kárizdenbegen eldi mekenderge ornalastyrý kezinde jergilikti kárizdeý qurylǵysy kózdeledi. Sarqyndy sýdy qabyldaýǵa arnalǵan betondalǵan shuńqyrdyń qaqpaǵy bolýy jáne kóleminiń úshten ekisinen aspaı jınaqtalýyna qaraı tazartylady.
15. О́ndiristik jáne turmystyq sýdy tıisti tazartýsyz ashyq sý qoımalaryna, sondaı-aq sińirý qudyqtary qurylǵylaryna shyǵarýǵa jol berilmeıdi.
16. Shıkizatty jáne daıyn ónimdi óndirýge, saqtaýǵa arnalǵan úı-jaılarda turmystyq sarqyndy sý ótkizgish qubyrlaryn salýǵa jol berilmeıdi.
17. Bastapqy ónimderdi, jartylaı ónimderdi, qaldyqtardy jınaý, saqtaý jáne tasymaldaý tásilderi qorshaǵan orta obektileriniń lastaný múmkindigin boldyrmaýy jáne ónerkásiptik qaldyqtardy zararsyzdandyrý jáne tazartý boıynsha jumystyń barlyq kezeńderinde jumys isteıtin personaldyń qaýipsizdigi qamtamasyz etiledi.
18. О́ndiristik úı-jaılardyń ishinde ornalastyrylǵan úı-jaıdyń aýasyna zııandy nemese qatty ıisi bar bastapqy ónimderdi, jartylaı ónimderdi jınaý oryndary aýa tartqysh jeldetkishi bar arnaıy jabynmen jabdyqtalady.
19. О́ndiristik úı-jaılardy josparlaý:
1) tehnologııalyq prosestiń aǵymdylyǵyn;
2) adamdar men tehnologııalyq aǵyndardyń qıylysýyn boldyrmaýdy;
3) tazalyq dárejesi birdeı úı-jaılardy barynsha kóp toptaýdy, bastapqy shıkizattyń, jartylaı ónimder men daıyn zattardyń ár alýan túrleri men serııalarynyń aralasýyn boldyrmaý úshin jabdyqtar men materıaldardy tıimdi ornalastyrýdy, sanıtarııalyq-gıgıenalyq rejım sharttaryn tolyq saqtaýdy;
4) bastapqy shıkizatty, jartylaı ónimderdi jáne daıyn ónimderdi ǵımarattyń ishinde jáne bir ǵımarattan ekinshige aýystyrǵan kezde lastanýdan qorǵaýdy qamtamasyz etedi.
20. Úı-jaılardy ishki árleý úshin jeńil ylǵaldy jınalatyn jáne dezınfeksııalaý quraldarymen óńdeletin materıaldar qoldanylady.
21. О́ndiristik úı-jaılar ýltrakúlgin sáýlelegishtermen (budan ári - ÝK-sáýlelený) jabdyqtalady.
22. PKО́ men AQGQ óndirý boıynsha obektilerinde sanıtarııalyq-turmystyq úı-jaılar kózdeledi.
23. О́ndiristik úı-jaılar sanıtarııalyq-turmystyq, qyzmettik, ákimshilik úı-jaılardan oqshaýlanady.
24. Sanıtarııalyq-turmystyq úı-jaılardy jeke ǵımaratqa ornalastyrǵan jaǵdaıda óndiristik úı-jaılarǵa jyly ótpe jol kózdeledi.
25. Sanıtarııalyq-turmystyq úı-jaılardyń quramyna syrtqy, jeke jáne sanıtarııalyq kıim men aıaq kıimge arnalǵan jeke kıim iletin oryndar, taza kıimdi saqtaýǵa arnalǵan kıim-keshek bólmesi, kir arnaıy kıimdi qabyldaýǵa arnalǵan úı-jaı, sebezgi jáne qol jýýǵa arnalǵan rakovınalar, kıim jáne aıaq kıim keptiretin oryn, ashana nemese tamaq ishýge arnalǵan bólme, kir jýatyn oryn jáne jınaý múkámmalyn saqtaýǵa arnalǵan úı-jaı kiredi.
26. Sanıtarııalyq kıimdi saqtaý ashyq tásilmen júzege asyrylady, ol úshin turmystyq úı-jaılardyń kıim iletin oryndary kıim ilgishtermen nemese ashyq shkaftarmen, aıaq kıimge arnalǵan tuǵyryqtarmen jabdyqtalady.
Úı jáne arnaıy kıimdi saqtaýǵa arnalǵan oryndardyń sany barlyq aýysymdardaǵy jumysshylardyń sanyna teń qabyldanady.
Sanıtarııalyq kıim men úı kıimin birge saqtaýǵa jol berilmeıdi.
27. Obektide medısınalyq pýnkt uıymdastyrylady.
28. Personal úshin 10 jumysshyǵa 1-eý esebimen sanıtarııalyq-tehnıkalyq aspaptarmen jabdyqtalatyn sebezgisi jáne dárethanasy bar kıim iletin oryn jabdyqtalady.
29. Jumysshylarǵa arnalǵan ashana nemese býfet turmystyq úı-jaılardyń quramynda nemese jeke turǵan ǵımaratta ornalastyrylady. О́ndiristik úı-jaılarda tamaq ishýge jol berilmeıdi.
30. Ashanaǵa kiretin jerde kıimderge arnalǵan kıim ilgishter, ystyq jáne sýyq sýy keltirilgen, sabynmen jáne elektrli súlgimen jaraqtalǵan qoljýǵyshtar ornatylady.
31. О́ndiristik jabdyq tehnologııalyq prosestiń úzdiksizdigin jáne paıdalaný prosesinde zararsyzdyq jaǵdaıyn qamtamasyz etetindeı bolyp ornalasady.
32. Hımııalyq zattardyń áserine, temperatýranyń áserine tózimsiz jáne olarmen janasatyn ortaǵa zııandy hımııalyq zattardy bólýge qabiletti materıaldardan jasalǵan jabdyqqa jol berilmeıdi.
33. Suıyq zııandy jáne (nemese) qatty ıisi bar zattarǵa arnalǵan dozalaıtyn apparatýra olardyń shamadan tys tolýyn eskertetin qurylǵylarmen jaraqtalady.
34. Sýsymaly zattardy tıeý jáne túsirý shań bólinýdi boldyrmaıtyn tásilmen júzege asyrylady.
35. Suıyq shıkizatty tıeý jabyq kommýnıkasııalar boıynsha júzege asyrylady. Zııandy jáne (nemese) qatty ıisi bar zattardyń eritindilerin ashyq aǵyspen berýge jol berilmeıdi.
36. Úı-jaılardy jınaýdy syǵylǵan aýamen júrgizýge, úı-jaılardy jáne jumys betterin jýý úshin organıkalyq eritindilerin paıdalanýǵa jol berilmeıdi. Jınaý jýý quraldarynyń sý eritindilerin paıdalana otyryp júrgiziledi.
37. Tehnologııalyq prosesti obektiniń personaly oryndaıdy jáne baqylaıdy.
38. PKО́ men AQGQ-ny alý tehnologııasyndaǵy barlyq ózgeristerge halyqtyń sanıtarııalyq-epıdemıologııalyq salaýattylyǵy salasyndaǵy memlekettik organ vedomstvosynyń sanıtarııalyq-epıdemıologııalyq qorytyndysyn alǵannan keıin jáne qaýipsiz eńbek jaǵdaıyn, qorshaǵan ortany qorǵaýdy qamtamasyz etetin jáne daıyn ónimniń tutynýshylyq sapasyn tómendetýdi týdyrmaıtyn is-sharalar júzege asyrylǵannan keıin jol beriledi.
3. Parfıýmerlik-kosmetıkalyq ónimder men aýyz qýysy gıgıenasy quraldaryn saqtaýǵa jáne
ótkizýge qoıylatyn sanıtarııalyq-epıdemıologııalyq talaptar
39. Shıkizattyń, qosalqy materıaldar men reaktıvterdiń ár alýan túrine PKО́ jáne AQGQ daıyndaýshy-kásiporynnyń bekitilgen normatıvtik nemese tehnıkalyq qujattamasy bolady.
40. Kásiporyn alatyn shıkizattyń, materıaldardyń, reaktıvterdiń árbir partııasy qaptamasynyń bútindigin, tańbalanýyn jáne sapasy men qaýipsizdigin kýálandyratyn qujattardyń bolýyn tekserý arqyly kirý baqylanýyna jatady.
41. Shıkizat, materıaldar, reaktıvter reglamenttelgen saqtaý merzimi ishinde olardyń saqtalýyn qamtamasyz etetin jáne aralasýy men lastanýyn boldyrmaıtyn jaǵdaılardy saqtaı otyryp, negizgi óndiristen oqshaýlanǵan arnaıy úı-jaılarda saqtalady.
42. Shıkizattyń, materıaldar men reaktıvterdiń jaramsyz dep tanylǵan partııalary tańbalanady jáne olardyń óndiristik proseske kezdeısoq túsip ketýin boldyrmaý úshin bólek saqtalady.
43. Qoıma úı-jaılarynyń shyǵarylatyn ónim, qosalqy materıaldar jáne shıkizat nomenklatýrasyna sáıkes keletin qýaty bolady. Kólemderi, konstrýksııasy jáne ornalasýy ónimdi tıimdi ornalastyrýǵa, jınaý jumysyn jáne basqa da qajetti tehnıkalyq operasııalardy júrgizýge múmkindik beredi. Daıyn ónim stellajdarda jáne (nemese) tuǵyryqtarda saqtalady.
44. Shıkizatty, jaramsyz dep tanylǵan shıkizatty qabyldaý jáne ornalastyrý úshin, daıyn ónimdi tutynýshyǵa jibergenge deıin saqtaý úshin bólek úı-jaılardy (nemese aımaqtardy) kózdeý qajet.
45. Qoımada ýytty jáne tez tutanǵysh zattardy saqtaýǵa arnalǵan bólek úı-jaılar (aımaqtar) kózdeledi.
46. О́ndiris aımaǵyna kirýshilerdiń barlyǵy, onyń ishinde ýaqytsha jáne turaqty jumys isteıtin jumyskerler, kásiporynda jumys istemeıtinder jeke gıgıena qaǵıdalaryn saqtaıdy.
47. О́ndiristik úı-jaılarda arnaıy kıim kıip júrý qajet. Arnaıy kıimdi jáne úı kıimin birge saqtaýǵa jol berilmeıdi.
48. PKО́ jáne AQGQ-ny ótkizý ótkiziletin ónimniń sáıkestigin baǵalaýdan ótken (rastaý) qujattary bolǵan jaǵdaıda jabdyqtalǵan saýda obektileri nemese bólimderi arqyly júzege asyrylady.
49. PKО́ jáne AQGQ-ny qoımada jáne ótkizý núktelerinde saqtaý jáne tasymaldaý ónimniń sapasy men qaýipsizdigin qamtamasyz etetin jaǵdaılardy saqtaıdy.
50. PKО́ jáne AQGQ-ny saqtaý jáne ótkizý taǵam ónimderinen, qurylys jáne árleý materıaldarynan, avtobólshekterden, janar-jaǵar maı materıaldarynan bólek júzege asyrylady.
51. PKО́ jáne AQGQ belgilengen jaramdylyq merzimi ishinde daıyn ónim qasıetiniń saqtalýyn qamtamasyz etetin tutynýshylyq ydysy bolǵan jaǵdaıda ótkiziledi.
52. Jaramdylyq merzimi ótken, tutynýshylyq ydysynda aqaýy bar jáne saqtaý jaǵdaılary buzylǵan PKО́ men AQGQ-ny ótkizýge jol bermeıdi.
Buıryq Qazaqstan Respýblıkasynyń Ádilet mınıstrliginde 2015 jylǵy 3 sáýirde Normatıvtik quqyqtyq kesimderdi memlekettik tirkeýdiń tizilimine №10623 bolyp engizildi.