ASTANA. 14 mamyr. Iraktyń Balad qalasynda lańkesterdiń shabýylynan Ispanııanyń «Real» komandasynyń jankúıerleri qaza tapty. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Atalǵan komandanyń fan-klýbynyń dámhanasyna basa-kóktep kirgen qarýlanǵan top beı-bereket oq jaýdyrǵan. Saldarynan 16 adam qaza taýyp, taǵy birnesheýi túrli deńgeıde jaraqat aldy. Qazir olar aýrýhanalarǵa jetkizildi.
Ekstremıster oqıǵa ornynan jasyrynyp úlgergen. Alaıda, kóp ýaqyt ótpeı tártip saqshylary olardyń biriniń izine túsip, jergilikti saýda oryndarynyń birinde tutqynǵa almaq bolǵan. Dál osy kezde ol beldigindegi jarylǵysh zatyn iske qosyp, ózin-ózi jaryp jiberdi. Sonymen qatar, «Irak jáne Levant lańkestik uıymy» bul isti óz moıyndaryna alǵany belgili boldy.
«Real» komandasynyń jankúıerlerine shabýyl jasaǵany bizdi eseńgiretip tastady. Terrorızm endi fýtbolǵa da zııanyn tıgize bastady. Qaza tapqandardyń jaqyndary men otbasyna kóńil aıtamyz», – dep Ispanııa kásibı fýtbol lıgasynyń prezıdenti (LFP) Haver Tebas Twitter jelisindegi paraqshasynda jazba qaldyrdy.
Aıan Ábdýálı.
Derek, foto: RIA «Novostı».