Memlekettik qyzmet ınstıtýtynyń mańyzy

onyń qoǵamdaǵy orny men rólin arttyrý máselelerinen kórinedi Jaqynda Almaty qalasynda Qazaq­stan Respýblıkasynyń Memlekettik qyz­met isteri mınıstrliginiń Almaty qalasy boıynsha departamenti, Qazaqstan Res­pýblıkasynyń Bilim jáne Ǵylym mınıstr­ligi ǵylym komıtetiniń «Ǵylym ordasy» respýblıkalyq memlekettik meke­mesi, Almaty qalasynyń Bilim, Densaý­lyq saqtaý, Jumyspen qamtý jáne áleý­mettik baǵdarlamalar, Qarjy, Máde­nıet basqarmalary men Almaty qalasy­nyń halyqqa qyzmet kórsetý ortalyqtary uıymdastyrǵan konferensııa bolyp ótti. «Sybaılas jemqorlyqqa qarsy máde­nıet – memlekettik múlikti basqarý tıim­diligin qamtamasyz etý, memlekettiń áleýmet­tik-mádenı fýnksııalaryn iske asyrý negizderiniń biri» degen taqyrypta ótken konfe­rensııaǵa qatysýshylar Memle­ket bas­shysy Nursultan Nazarbaev usyn­ǵan bes ıns­tıtýttyq reformany iske asyrýdaǵy «100 naqty qadam» Ult Jospa­rynyń negizi memlekettiń turaqtylyǵy men tabystylyǵyn saqtaı otyryp, «Qazaqstan-2050» Strategııasynyń maq­sat­tary men mindetterin oryndaýǵa qatys­ty óz oılarymen ortaqtasty. Konferensııa jumysyn kiris sózben ashqan Memlekettik qyzmet isteri mınıstrliginiń Almaty qalasy boıynsha departamentiniń basshysy Baqtııar Kamalov óziniń sózinde konferensııanyń negizgi maqsaty bilim, ǵylym, densaýlyq saqtaý, kvazımemlekettik sektorlarda halyqqa qyzmet kórsetý salalarynda sybaılas jemqorlyqtyń aldyn alý, memlekettiń áleýmettik-mádenı qyzmetterin júzege asyrýdyń ashyqtyǵy týraly aıtyp ótti. Sondaı-aq, ol sybaılas jemqorlyqqa nemquraıly qaraýdy joıý qazaqstandyqtardyń boıynda patrıottyq sezimin oıatyp jáne rýhanı-adamgershilik tárbıe jemqorlyqqa qarsy mádenıetti qalyptastyratynyn atap kórsetti. Sybaılas jemqorlyqqa qarsy qo­ǵamda saıasat pen mádenıetti qalyp­tas­tyrýdyń basty mindetteri men maqsat­tary jemqorlyqtyń negizgi mazmunyn tek qana quqyqtyq emes, rýhanı-adamgershilik turǵydan da tyıym salynatyn kórinisterin, memlekettik qyzmet ınstıtýtynyń mańyzyn, onyń qoǵamdaǵy orny men rólin arttyrady. Atalǵan  konferensııada qoǵamdaǵy jemqorlyq jaǵdaılardy týǵyzatyn sebepterdi birlesip anyqtaý jáne joıý, ákimshilik kedergilerdi azaıtý boıynsha keshendi sharalardy júzege asyrý árbir qazaqstandyqtyń mindeti ekeni atap aıtyldy. Bul máselelerde memlekettik qyzmetshiniń yntasy men kásibı deńgeıin arttyra otyryp, ózine júktelgen kez kelgen mindettemelerdi júzege asyrýda ońtaıly sheshim qabyldaı alady. Sondyqtan, jańa qabyldanǵan zańdar boıynsha memlekettik qyzmet salasyn óz deńgeıinde jetildirip, qazirgi talapqa saı halyqqa sapaly ári tıimdi qyzmet kórsetýde mańyzdy ról atqarady. Sharafaddın ÁMIR, «Egemen Qazaqstan» ALMATY