Ulybrıtanııanyń tanymal ǵalymdary

Qazaqstanda semınar-trenıng ótkizýde Qazaqstan Prezıdenti janyndaǵy Memlekettik basqarý akademııasynda «Mem­lekettik basqarý salasyndaǵy zertteý­lerdiń qazirgi ádisteri» taqyry­bynda semınar-trenıng bastaldy. Semı­n­ar-trenıngti Ulybrıtanııanyń tanymal ǵalymdary Kolın Noks pen Karl Djon O’Konnor ótkizip jatyr. Ulybrıtanııanyń qoǵamdyq jáne gýmanıtarlyq ǵylymdar ulttyq akademııa­synyń halyqaralyq granty sheńberinde uıymdastyrylǵan osy is-sharaǵa Mem­lekettik basqarý akademııasynyń profes­sorlyq-oqytýshylar quramy, ǵylymı qyz­met­kerleri jáne doktoranttary qatysýda. Bıylǵy jyldyń 18-21 mamyry kúnde­ri semınar tyńdaýshylaryna memleket­tik saıasat jáne basqarý salasyn­daǵy jetekshi eýropalyq sarapshylar – Uly­brı­tanııanyń Soltús­tik Irlandııa­daǵy Ols­ter ýnıversıtetiniń qoǵamdyq saıasat professory Kolın Noks pen Olster ýnıversıtetiniń krımıno­logııa, saıasat jáne áleýmettik saıasat mek­tebiniń oqytýshysy Karl Djon O’Konnor dáris beredi. Professor Kolın Noks Qytaı, Reseı, Latvııa, Grýzııa, Bangladesh sııaqty kóptegen elderde memlekettik se­k­tordy reformalaý salasy boıynsha zert­teýler júrgizgen. Al professor Kolın Noks 2016 jyldyń 26 mamyrynda Astana ekono­mıkalyq forýmy aıasynda ótetin «Ins­tıtýttyq reformalardy tabys­ty júzege asyrýdyń kásibı memleket­tik apparaty» atty álemdik konferen­sııa­ǵa negizgi spıkerlerdiń biri retinde qatysady. Semınar-trenıng barysynda brıta­nııalyq sarapshylar memlekettik qyzmet jáne basqarý salasynda ǵylymı-zertteý jumysyn júrgizý tájirıbesin ortaǵa sala­dy, zertteý men modeldeýdiń ınnovasııa­lyq ádisteri, áleýmettik saýaldama, suh­battasý, fokýs-toptar sekildi sapalyq jáne sandyq taldaýdyń qazirgi ádistemesi týraly aıtady. «Egemen-aqparat»