Bul másele bizdi biriktirýi kerek

Burnaǵy kúni oblystyq qoǵamdyq keńestiń keńeıtilgen otyrysy ótti. Otyrysqa sońǵy ýaqytta qyzý talqyǵa túsip jatqan jer máselesine qatysty pikirlerin bildirgen qoǵam belsendileri, saıası partııalardyń oblystyq fılıal jetekshileri, qoǵamdyq uıymdardyń, ardagerler men jastar uıymdarynyń basshylary, Assambleıa men azamattyq alıans músheleri qatysty. – Bul kezdesýdiń maqsaty – qalyptasqan jaǵdaıdy birlese otyryp talqylaý, pikirler men usynystardy jınaqtap, respýblıkalyq keńeske usyný. Memleket basshysy bul máse­leni sheshýdiń naqty jolyn aıqyndap berdi. Endigi jumys – osyndaı kezdesýler, respýblıkalyq komıs­sııa­nyń múmkindikteri arqyly Jer kodeksindegi daý týǵyzyp otyrǵan baptardy jan-jaqty talqylap, kelisimge kelý. Ár­kimniń saıası kózqarasy ártúrli bolǵanymen, jer máse­lesi bizdi ekige bólmeýi kerek, kerisinshe biriktire túsýi tıis, – dedi oblys ákimi Qyrymbek Kósherbaev. Basqosýda jer týraly zań­namanyń talaptary men moratorıı jarııalanǵan baptary jaıly oblystyq jer qatynastary basqarmasynyń basshysy Shahmardan Qoı­shybaev habarlama jasady. Al, Á.Mámbetálıev jerdiń tuzdanýyn, sapasyn baqy­laý­dyń nátıjeleri týraly, S.Ańsatov kezinde taratylǵan jer úlesteri týraly saýal qoıdy. «Qoldarynda qujattary bar turǵyndar ol jerdiń qaıda ekeninen de habary joq. Jer úlesin alǵandar ol kezde jerdi paıdalanýǵa múmkindigi bolmaǵandyqtan sharýa­shylyqtarǵa birikti. Endi sol jerdi satyp alý men jalǵa alýdyń tetikteri qandaı? Jalǵa berip qoıǵan adamdar ózi paıdalanǵysy kelse qalaı áreket etpek? Bul turǵyda túsindirý jumystary júrgizilýi kerek», dedi ol. Oblystyq máslıhat depýtaty Sh.Ábdikárimov jer úlesin paıdalanýǵa oraı túsindirme jumystaryn belsendi júr­gizýdiń mańyzyna toqtaldy. Bul máseleni naqtylap berý úshin mamandarǵa usynys beriledi. «Aýǵan soǵysy ardagerleri men múgedekteri» qoǵamdyq birles­tiginiń tóraǵasy Ǵ.Kamalov jer konsorsıýmyn quryp, jer alýǵa yntaly azamattar sol konsorsıýmǵa aqsha quısa, memleket saqtandyrsa degen usynysyn jetkizdi. Bul kezde jerdiń naryqtyq aınalymy da retteledi, ınvestorlar da keledi. Atalǵan suraq komıssııa qaraýyna usynylatyn bolady. S.Teńizbaev jergilikti máslıhattar depýtattary saılaýshylarymen kezdesip, oı-pikirlerin jınaqtaý kerektigin aıtty. Oblystyq máslıhat hat­shysy N.Baıqadamov depý­tat­tardyń halyqpen kezde­sý­leri men qoǵamdyq qaby­l­­daý­lar kestege saı júrgizi­lip jatqanyn baıandady. Más­lıhatta da birshama usynystar jınaqtalǵan. Ázirge zańǵa moratorıı jarııalandy, ózgeris­terge qatysty halyqtyń piki­ri árqıly. Jer máselesi tek bıliktiń kózqarasymen sheshil­meıdi. Qazaq tarıhyna qarasaq, qandaı da bolmasyn kúrdeli máseleni mámilege kelý arqyly sheshken. Memlekettik komıssııa osy maqsatpen qurylyp otyr. Basqosýda eńbek ardageri S.Ańsatov, Qazaqstan kommý­nıs­tik halyq partııasy» oblys­tyq komıtetiniń jetek­shisi T.Teleýbaev, Qazaqstan jazýshylar kongresiniń Qyzyl­orda oblystyq fılıalynyń tóraǵasy N.Jálıev, «Nur Otan» partııasy oblystyq fı­lıaly­­nyń birinshi orynbasary I.Quttyqojaev, taǵy basqa azamattar óz pikirlerin bildirip, oılarymen bólisti.  Gúljazıra JALǴASOVA, jýrnalıst  QYZYLORDA