ASTANA. 29 mamyr. Senbiden jeksenbige qaraǵan túni ÝEFA Chempıondar lıgasynyń fınaldyq oıynynda Ispanııanyń qos komandasy óner kórsetti. Bul kezdesýde «Real» «Atletıkodan» penaltı serııasynda basym túsip, osy týrnırdiń 11 ret jeńimpazy atandy. Bul týraly egemen.kz tilshisi habarlady.
«Real» (Madrıd, Ispanııa) – «Atletıko» (Madrıd, Ispanııa) 1:1 (5:3)
Goldar: Serhıo Ramos 15 – Ferreıra-Karrasko 79.
«Real»: Navas, Marselo, Ramos, Pepe, Karvahal, Modrıch, Kazemıro, Kroos, Ronaldý, Benzema, Beıl.
«Atletıko»: Oblak, Lýıs, Savıch, Godın, Hýanfran, Koke, Fernandes, Gabı, Saýl, Torres, Grızmann.
Mılan qalasyndaǵy «San Sıro» stadıonynda jankúıerler naǵyz tartysty básekeni tamashalady. Kezdesýdiń birinshi taımynda qos komanda birneshe qaýipti shabýyldarymen almasty. Osyndaı sátterdiń birinde «Real» kapıtany Serhıo Ramos múmkindigin múlt jibermeı, komandasyn alǵa shyǵardy. «Atletıko» osydan keıin qansha tyryssa da, alǵashqy 45 mınýtta tarazy basyn teńestire almady.
Ekinshi taımda Dıego Sımeoneden jańa nusqaýlar alǵan «Atletıko» oıynshylary shıraq qımyldaı bastady. Tóreshiniń ysqyryǵyn estı sala, shabýylǵa kóshken olar birinshi mınýtta-aq penaltı tebý múmkindigine ıe boldy. Aıyp alańynda ıspanııalyq Fernando Torreske qarsy Portýgalııa qurama komandasynyń oıynshysy Pepe oıyn tártibin buzdy. Alaıda, 11 metrlik aıyp dobyn oryndaýǵa kelgen Antýan Grızmann qatty qobaljyǵandyqtan múmkindigin tıimdi paıdalana almady. Biraq osyǵan qaramastan olar kezekti shabýyldarynyń birinde tarazy basyn teńestirip ketti. Kezdesýdiń 79 mınýtynda Hýanfrannyń pasyn Ferreıra-Karrasko golǵa aınaldyra bildi. Matchtyń negizgi ýaqyty 1:1 esebimen aıaqtaldy.
Al ekstra-taımda esep ózgerissiz qaldy. Osydan soń, penaltı serııasy oryn alyp, «Real» fınaldyq kezdesýde qarsylastarynan taǵy da basym tústy. Onyń nátıjesi tómendegideı:
Penaltı serııasy: 1:0 – Vaskes, 1:1 – Grızmann, 2:1 – Marselo, 2:2 – Gabı, 3:2 – Beıl, 3:3 – Saýl, 4:3 – Ramos, 4:3 – Hýanfran (baǵana), 5:3 – Ronaldý.
Aıan Ábdýálı.
Derek: egemen.kz.
Foto: vk.com.
