• 29 Mamyr, 2016

«Qaırat» «Aqjaıyqtan» birinshi aınalymda ketken eseni qaıtardy

314 ret

kórsetildi

2 mın

oqý úshin

Egemen Qazaqstan

ASTANA. 29 mamyr. Búgin fýtboldan Qazaqstan premer-lıgasynyń 13-týry oıyndary oınaldy. Bul týraly egemen.kz tilshisi habarlady. Týrdyń tórt birdeı kezdesýinde oıyn taǵdyryn jalǵyz gol sheshse, bir matchta esep ashylǵan joq. Al Almatyda ótken jergilikti «Qaırat» pen Oraldyń «Aqjaıyǵy» arasyndaǵy oıyn barysynda jankúıerler bes goldyń kýási boldy. Nátıjesinde alań ıeleri 3:2 esebimen jeńiske jetip, birinshi aınalymda ketken eseni qaıtardy. Aıta keteıik, atalǵan aınalymda «Aqjaıyq» Oralda «Qaırattan» 2:1 esebimen basym túsken bolatyn. Bul oıynda da 89-mınýtqa deıin oraldyqtar alda boldy. 3-mınýtta «Aqjaıyq» oıynshysy Rýslan Valıýllın esep ashyp, komandasyn alǵa shyǵarsa, 16-mınýtta «Qaırattyń» kapıtany Baýyrjan Islamhan penaltıden tarazy basyn teńestirdi. Al 31-mınýtta Batys Qazaqstannan kelgen komanda sapynan Oleg Hromsov mergendigimen kózge túsip, «Aqjaıyq» ekinshi ret esepte alǵa shyqty. Sońǵy sátke deıin shabýyldaǵan alań ıeleri 89-mınýtta ǵana degenderine jetti. Atap aıtqanda, komandanyń surmergeni Jerar Goý nátıjeli soqqysymen kózge túsip, stadıonǵa jınalǵan jankúıerlerdi qýanyshqa bóledi. Al qosymsha ýaqytta, ıaǵnı 92-mınýtta almatylyqtar oıynǵa tyńnan qosylǵan kamerýndyq legıoner Gael Tavambanyń kómegimen jeńis dobyn soǵyp ketti. Osylaısha, «Qaırat» týrnır kestesindegi úshinshi ornyn saqtap qaldy. О́z kezeginde, kósh bastap kele jatqan «Astana» men ekinshi orynǵa nyq taban tiregen «Ertis» te búgingi oıyndaryn jeńispen aıaqtaǵanyn atap ótken jón. 29-05-2016-KPL suret 02

13-týr oıyndarynyń nátıjeleri: «Ordabasy» (Shymkent) – «Jetisý» (Taldyqorǵan) 0:1 Gol: Dýshan Savıch 11. «Shahter» (Qaraǵandy) – «Tobyl» (Qostanaı) 1:0 Gol: Maqsat Baıjanov 42. «Qaırat» (Almaty) – «Aqjaıyq» (Oral) 3:2 Goldar: Baýyrjan Islamhan 16 (penaltı), Jerar Goý 89, Gael Tavamba 90+2 – Rýslan Valıýllın 3, Oleg Hromsov 31. «Oqjetpes» (Kókshetaý) – «Taraz» (Taraz) 0:0 «Atyraý» (Atyraý) – «Ertis» (Pavlodar) 0:1 Gol: Roman Murtazaev 51. «Aqtóbe» (Aqtóbe) – «Astana» (Astana) 0:1 Gol: Nemanıa Maksımovıch 83.

13-týr oıyndarynyń qorytyndysy boıynsha týrnır kestesi 29-05-2016-KPL keste 13-tur

Úzdik mergender:

Roman Murtazaev («Ertis») – 8 gol;
Jerar Goý («Qaırat») – 7 gol
Dýshan Savıch («Jetisý») – 6 gol;
Samat Smaqov («Aqtóbe») – 5 gol.

14-týr oıyndary 2 maýsym kúni oınalady. Atalǵan týrdaǵy qarsylastar reti tómendegideı: «Jetisý» – «Aqtóbe» «Ertis» – «Shahter» «Oqjetpes» – «Aqjaıyq» «Taraz» – «Astana» «Tobyl» – «Ordabasy» «Qaırat» – «Atyraý». Elaman Qońyr. Derek: egemen.kz. Foto: vk.com.