Kásipkerge kedergi keltirý tyıylmaı tur

Shaǵyn jáne orta bıznesti bastaǵandar aıaǵynan turyp, alańsyz jumys isteýi úshin buǵan deıin de birqatar ákimshilik sharalar qabyldanǵan-dy. Osyǵan qaramastan, kásiporyndarǵa jıi «qonaqqa baryp», ilik izdegendi unatatyn quzyrly mekemeler jetkilikti. Sondyqtan almatylyq kásipkerler quqyq qorǵaý organdaryna shaǵymdanýǵa májbúr bolǵan. Osy máselege oraı Almaty qa­lasynyń kásipkerler pala­tasynda arnaıy jıyn ótti. Áńgi­meniń ashyǵy, iskerler whatsApp arqyly esep tapsyrýǵa, bıznesti júrgizýde kásipkerlerdiń qyzmeti ereje-talaptarǵa saı bolmaǵanda onyń balmen eseptelýine, qys­qasy, túrli tekseristerdiń kó­beıýi­ne qarsylyq bildirip otyr. Jıynda kásipkerlerdiń narazylyqtaryn qalalyq pro­ký­ratýra da qoldady. Jóndi jáne jónsiz tekseris pen talaptardyń tártibin retteý úshin Kásipkerler palatasyna barlyq jergilikti memlekettik baqylaý-qadaǵalaý bólimsheleriniń basshylary shaqyryldy. Almaty qalasy kásipkerler palatasynyń ákimshilik keder­gilerdi joıý jónindegi bóliminiń bastyǵy Bekejan Kúntaevtyń aı­týynsha, ótken jylǵy sarap­tamalar bıznesmenderge tek­serý eki ese kóbeıgenin kór­set­ken. Baqylaýshylar arasyn­da tutynýshylardyń quqy­ǵyn qorǵaý departamenti qyzmet­ker­leri asa belsendi, kósh bastap tur. Olardyń tekseristeri 7 ese kó­beıgen. «Kásipkerlerdiń shaǵymdary boıynsha, kásiporyndarǵa bir organnan bir emes birneshe baqylaýshy ár ýaqytta kelip, óz tekseristerimen kásipkerlerdiń jumystaryna aıtarlyqtaı kedergi keltirýde. Al bıznes nysandaryn tekseretin mundaı organdar jalǵyz emes. Birneshe quzyrly mekemeler bar. Ár­qaısysy jeke kelgishtep, alań­data berse, biz qashan aqsha taba­myz? Keıbir quzyrly organdar­dyń ókilderi whatsApp boıynsha esep jiberýdi talap etken. Sondyqtan osyndaı tekseris­ter­diń qajettiligi men durystyǵy kúmán týǵyzady. Kásipkerlerdiń qyzmetindegi kemshilikteri úshin qoıylatyn baldyń jıyntyǵy mıǵa qonbaıdy», dedi Bekejan Kúntaev jıynda. Almaty qalasynyń tuty­ný­shylardyń quqyǵyn qorǵaý departamenti basshysynyń oryn­basary Murat Bırjanovtyń aı­týynsha, eger jańadan ashylǵan nysanǵa, mysaly, dámhananyń jumysyna alǵashqy úsh jylda shaǵym túspese, onda eshkim ony teksermeıdi. Baqylaýshylar óz jumysyn tórtinshi jyldan bastaıdy. «Bizdiń qyzmetkerler tekserý qaǵazdaryna bıznesti júrgizý tártibi buzylǵan jaǵdaıda, aıypball jazady. Talaptarǵa saı emes qyzmetterge baqylaýshylar 10 balǵa deıin qoıýy múmkin. Ortasha qyzmet buzýshylyqqa 50 balǵa deıin beriledi. Al óreskel qatelikterge 100 balǵa deıin beriledi. Eger qyzmet kórsetý nysanynyń kemshilikteri 60 baldan joǵary bolsa, jarty jyldan soń taǵy tekseredi», deıdi Murat Bırjanov. Bekejan Kúntaevtyń aı­týyn­sha, orynsyz áreketter, qısyn­syz tekserister, whats­App ar­qyly esep alý jem­qor­lyqqa jol ashady. Al­maty qalasy pro­kýratýra isteri bas­qarmasy­nyń proký­ro­ry Temir­lan Qanat­janov tek­seris­terdi júrgizý tár­tibi bız­nes­ke qysym kórsetpeýi úshin baqy­laý­shy or­gandarǵa usynys-keńes­ter ja­saýdy tapsyrdy. Aınash ESALI, «Egemen Qazaqstan» ALMATY