Ońtústik Qazaqstan oblysynda óndirletin aýyl sharýashylyǵy ónimderi men et eksportynyń kólemi artyp keledi. Jalpy ótken jyldyń 11 aıy boıynsha oblystan 195 mln. AQSh dollary bolatyn aýyl sharýashylyq jáne azyq-túlik ónimderi eksporttalsa, onyń kólemi 1,3 mln. tonnany qurady. Bul týraly OQO Aımaqtyq kommýnıkasııalar qyzmetinde ótken brıfıngte oblystyq aýyl sharýashylyǵy basqarmasynyń basshysy Serik Turbekov málim etti, dep jazady OQO ákiminiń baspasóz qyzmeti.
Onyń aıtýynsha, 2016 jyly oblystan etke 6 700 bas usaq mal, 400 bas iri qara mal men 200-ge tarta jylqy eti eksporttaldy. Onyń ishinde «Qaıyp Ata» JShS Birikken Arab Ámirliginiń MYCo Trading FZE kompanııasymen birlese otyryp 2000 bas qoıdy Fýdjeıra qalasyna jetkizgen. Aldaǵy ýaqytta qoıdy eksportqa shyǵarý boıynsha kelissózder júrgizilse, Irandyq GO HARD TALAYI PASARGAD kompanııasymen jylyna 3 myń tonna qoı etin eksporttaý boıynsha kelisim-shartqa qol qoıylǵan. Sonymen qatar, qoı men iri qara mal etin Irak, Saýd Arabııa, Qytaı elderine eksporttaý boıynsha kelissózder júrgizilýde.
«Bul baǵyttaǵy jumystar Elbasynyń Ult jospary – bes ınstıtýsıonaldyq reformasyn júzege asyrýdyń 100 naqty qadamynyń 61 qadamynda kórsetilgen et óndirisi men óńdeýdi damytý úshin strategııalyq ınvestorlardy tartý boıynsha atqarylǵan jumystardyń nátıjesi ekenin basqarma basshysy atap ótti. Sonymen qatar, óńirde 2016 jyly jylyna 6 myń tonna et óńdeıtin «Qaıyp ata» JShS-niń et kombınaty iske qosyldy. Atalǵan kombınat halyqaralyq standarttarǵa saı halal et óńdeıdi. Jáne qýattylyǵy 3000 bas iri qara maldy bordaqylaýǵa arnalǵan 2 joba júzege asyryldy. Osylaısha biz oblys turǵyndaryn etpen 157 paıyzǵa qamtyp otyrmyz», - dedi Serik Turbekov.
