Qostanaı oblysynda byltyr 232 sýısıdtik oqıǵa tirkelgen

О́tken jyly 2015 jylmen salystyrǵanda óńirde sýısıdtik oqıǵalar 27 paıyzǵa azaıǵan, ıaǵnı 149 ózine qol jumsamaq áreket, 83 ólimmen aıaqtalǵan sýısıd tirkelgen. Oblystyq jastar saıasaty basqarmasynyń basshysy Kenesh Álimjanov Rýdnyı qalasynda ótken jyly 13 ózine qol jumsaý oqıǵasy bolǵanyn, biraq aldyńǵy ýaqyttarmen salystyrǵanda eki ese azaıǵanyn aıtty. Bul jastarmen júrgizilgen jaqsy jumystyń nátıjesi. Qaı qalada, aýdanda sýısıdke beıim adamdarmen jumys nashar júrgizilse, sol jerde ózine qol jumsaǵandar qatary da arta túsken. Oblystyq ákimdiktiń keńeıtilgen májilisinde oblys ákimi Arhımed Muhambetov ótken jyly ólimmen aıaqtalǵan sýısıdtiń Qostanaı qalasynda – 30, Arqalyqta – 32, ózine qol jumsaý áreketiniń 37 paıyzǵa óskendigin aıtty. Sonymen qatar, ózine qol jumsaýǵa áreket jasaǵandar Altynsarın aýdanynda – 67, Áýlıekól aýdanynda – 50, Qamysty aýdanynda – 100 paıyzǵa ósken. Qarabalyq aýdanynda ózine qol jumsap ólgenderdiń qatary 33 paıyzǵa, Meńdiǵara aýdanynda – 50, Uzynkól aýdanynda – 22 paıyzǵa ósken, al ózine qol jumsaýǵa árekettengender – 23 paıyzǵa kóbeıgen. Uzynkól aýdany ákimi Qanat Sársenbaevtyń aıtýynsha, sýısıd aýdanǵa syrttan kelgender arasynda jıilegen.   Názıra Járimbetova «Egemen Qazaqstan»