«Nur Otan» partııasy Tóraǵasynyń birinshi orynbasary Muhtar Qul-Muhammed Astanadaǵy Beıbitshilik jáne kelisim saraıynda Demokratııalyq kúshterdiń «Qazaqstan-2050» jalpyulttyq koalısııasynyń kezekten tys otyrysyn ótkizdi. Is-shara Memleket basshysy qol qoıǵan Qazaqstannyń jańartylǵan Konstıtýsııasyna arnaldy.
Sóz basynda «Nur Otan» partııasy Tóraǵasynyń birinshi orynbasary bul kún elimiz úshin tarıhı kún ekenin aıtty. Sondaı-aq, ol bir aı boıy qazaqstandyqtar Ata Zańǵa engiziletin ózgeristerdi qyzý talqylaǵanyn qatysýshylardyń esine saldy. Odan bólek, Qazaqstannyń ár túkpirinde osy máselege qatysty ondaǵan myń kezdesý uıymdastyrylyp, buqaralyq aqparat quraldarynda myńdaǵan maqala jarııalanǵany aıtyldy. Áleýmettik jelilerde de bul taqyryptyń birinshi orynǵa shyqqany nazarǵa alyndy.
Máselen, aýqymy keń osynaý búkilhalyqtyq únqatysýdyń nátıjesinde elimizdiń barlyq aımaǵynyń turǵyndary memlekettik bılik tarmaqtary arasynda ókilettikterdi qaıta bólý máseleleri jóninde 6 myńnan astam usynystaryn jetkizgen bolatyn. Olardyń barlyǵy tyńǵylyqty saraptalyp, Konstıtýsııadaǵy túzetýlerden laıyqty kórinis tapty. Al elimizdiń zań shyǵarýshy organyndaǵy birneshe saǵatqa jalǵasqan qyzý talqylaýdan keıin depýtattar jańa túzetýler engizýge qoldaý bildirdi.Osyǵan oraı, Ata Zań eki oqylymda qabyldanyp, Memleket basshysynyń qaraýyna joldandy.
«Konstıtýsııalyq keńestiń oń sheshiminen keıin Elbasy bul tarıhı qujatqa qol qoıdy. Osylaısha, Prezıdent Qazaqstannyń jańa saıası qurylymynyń irgetasyn qalady» deı kele, Muhtar Qul-Muhammed Demokratııalyq kúshterdiń «Qazaqstan-2050» jalpyulttyq koalısııasy Ata Zańnyń jańa redaksııasyn tolyq qoldaı otyryp, kúshti prezıdenttik bıliktiń saqtalýy men jańartylǵan Konstıtýsııada táýelsiz Qazaqstannyń negizin qalaýshy – Nursultan Ábishuly Nazarbaevtyń erekshe róli odan ári nyǵaıa túskenin aıryqsha atap ótti.
«Nur Otan» partııasy Tóraǵasynyń birinshi orynbasary: «Bar bolǵany shırek ǵasyrdyń ishinde elimizdi álemdik deńgeıdegi óte qýatty jáne bedeldi memleketke, sondaı-aq, turaqtylyqtyń, birliktiń jáne qarqyndy ekonomıkalyq damýdyń ortalyǵyna aınaldyrǵan Memleket basshysy Qazaqstan jolynyń asa kórnekti sáýletshisi bolyp tabylady», dedi.
Sonymen qatar, Muhtar Qul-Muhammed konstıtýsııalyq reformanyń basty maqsaty, eń aldymen, qoǵamdy uıystyrý ekenin aıtty. О́ıtkeni, Elbasymyzdyń Úshinshi jańǵyrý men «Qazaqstan-2050» damý strategııasy aıasynda aldymyzǵa qoıǵan mindetteriniń aýqymdylyǵy men asa kúrdeliligi eskerilip, jańa kezeńde de birlik, birtutastyq jáne turaqtylyq sııaqty negizgi qundylyqtardyń mańyzy arta bermek.
Sondaı-aq, Muhtar Qul-Muhammed barsha koalısııa múshelerine qarata: «Ata Zańdaǵy jańa normalar óz áleýetin is júzinde tolyq kórsetý úshin Qazaqstannyń barsha azamattyq qoǵamy, sonyń ishinde, aldymen saıası partııalar jumystaryn sapaly túrde jańǵyrtýlary kerek. Sebebi, búginde Demokratııalyq kúshterdiń jalpyulttyq koalısııasynyń qataryndaǵy partııalar men qoǵamdyq birlestikter halyq pen bılik arasyn baılanystyratyn basty alań bolyp tabylady. Jańartylǵan Konstıtýsııadan keıin memlekettik basqarý men atqarýshy bılikke yqpal etýdiń qýatty tetigine ıe bolǵan Parlamenttiń jumysyna da dál bizder baǵyt-baǵdar berip otyramyz», dedi.
Bul kúngi jıyn barysynda koalısııa músheleri sóz sóılep, óz oılaryn ortaǵa saldy. Máselen, «Aq jol» demokratııalyq partııasynyń tóraǵasy, Parlament Májilisiniń depýtaty Azat Perýashev bir aı ishinde bolǵan jalpyhalyqtyq talqylaý barysynda myńdaǵan azamat óz pikiri men usynystaryn aıtýǵa múmkindik alǵanyn jetkizdi.
«Jalpy alǵanda, biz sol talqylaýlardyń nátıjesinde búkil elimizdi biriktiretin, jumyldyratyn sheshimge keldik dep aıtýǵa bolady. Máselen, 26-bap boıynsha qanshama qyzý pikirtalas boldy. Elbasymyz, bul oraıda, óte salmaqty sheshim qabyldap, ol bapqa eshqandaı ózgeris engizgen joq. Desek te, saıası júıe tetikterin jetildirý maqsatynda Konstıtýsııamyzdaǵy kóptegen baptar boıynsha oń ózgeristerge qol jetkizdik», dedi «Aq jol» partııasynyń tóraǵasy.
Qazaqstannyń Kommýnıstik halyqtyq partııasynyń hatshysy, Parlament Májilisiniń depýtaty Jambyl Ahmetbekov: «Konstıtýsııalyq reforma aldaǵy ýaqytta Qazaqstanyń ári qaraı damýyna kóp áser etetini belgili. Depýtattar – halyqtyń ókili. Sondyqtan, Parlamenttiń baqylaý-qadaǵalaý tetikteri, sondaı-aq, Parlamenttiń aldynda Úkimettiń jaýapkershiligi kúsheıse, saıası kúshterdiń, ıaǵnı partııalardyń da róli artatyn bolady» dese, «Aýyl» halyqtyq-demokratııalyq patrıottyq partııasynyń tóraǵasy, Parlament Senatynyń depýtaty Álı Bektaev Konstıtýsııa boıynsha usynylǵan ózgerister men tolyqtyrýlar eldiń birligin, yntymaǵy men tatýlyǵyn qamtamasyz etýge sep bolatynyn aıtty.
«Oǵan búkil qazaqstandyq at salysty. Qazaqstannyń jurtshylyǵy elimizde bolyp jatqan jańǵyrtýlarǵa, memleket bolashaǵyna beıjaı qaramaıtynyn kórsetti. Bizdiń partııamyzdyń ókilderi de 100-den astam is-shara ótkizip, jumysshy tobyna ózderiniń 100-ge tarta usynys-pikirlerin berdi. Al Konstıtýsııamyzǵa engizilgen ózgerister men tolyqtyrýlar elimizdiń jańa beleske kóterilýine jol ashady dep oılaımyz», dedi Á.Bektaev.
Demokratııalyq kúshterdiń jalpyulttyq koalısııasynyń taǵy bir múshesi, «Jańarý» sybaılas jemqorlyqqa qarsy jalpyulttyq qozǵalysy» respýblıkalyq qoǵamdyq birlestiginiń tóraǵasy Oralbaı Ábdikárimov Elbasy
N. Nazarbaevtyń usynysymen Ata Zańǵa engizilgen ózgerister halyq tarapynan qoldaý tapqanyna, jobany talqylaý kezinde túsken usynystardyń eskerilgenine toqtaldy.
«Konstıtýsııaǵa engizilgen ózgerister memleket damýyna, azamattyq qoǵamǵa oń yqpal etýi kerek. Osylaısha, biz halyqtyń senimine ıe bolamyz», dedi O.Ábdikárimov.
Budan keıin «Birlik» saıası partııasynyń tóraǵasy Serik Sultanǵalı, Parlament Májilisiniń Zańnama jáne sot-quqyqtyq reforma komıtetiniń tóraǵasy Nurlan Ábdirov, Qazaqstan Respýblıkasy Kásipodaqtar federasııasynyń tóraǵasy Ábilǵazy Qusaıynov, «Qazaqstannyń azamattyq Alıansy» zańdy tulǵalar birlestiginiń tóraǵasy Nurlan Erimbetov, «Qazaqstan ýkraındarynyń radasy» qoǵamdyq birlestiginiń jetekshisi, Parlament Májilisiniń depýtaty Iýrıı Tımoshenko, «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestiginiń prezıdenti Baqytjan Jumaǵulov, Qazaq gýmanıtarlyq-zań ýnıversıteti Quqyqtyq saıasat jáne konstıtýsııalyq zańnama ǵylymı-zertteý ınstıtýtynyń dırektory Sergeı Ýdarsev, «Qazaqstan-2050» jalpyulttyq qozǵalysy keńesiniń tóraǵasy Muhtar Mankeev sóz alyp, konstıtýsııalyq reforma tóńiregindegi oı-pikirlerin ortaǵa saldy.
Otyrys barysynda Demokratııalyq kúshterdiń «Qazaqstan-2050» jalpyulttyq koalısııasy jańartylǵan Konstıtýsııany qoldaý maqsatynda qazaqstandyqtarǵa óziniń arnaıy úndeýin jarııalady (Ol bólek jarııalanyp otyr).
Jıyndy qorytyndylaǵan Muhtar Qul-Muhammed: «Búkilhalyqtyq talqylaý negizinde qabyldanǵan jańartylǵan Ata Zańymyzdy birlik pen kelisim Konstıtýsııasy dep ataýymyz kerek. Búgin osy tarıhı qujatqa qol qoıý arqyly Elbasy bizge úlken senim artyp otyr. Sondyqtan biz bar kúsh-jigerimizdi osy senim men jaýapkershilikti aqtaýǵa jumsaýymyz kerek», dedi.
Bul rette, Demokratııalyq kúshterdiń «Qazaqstan-2050» jalpyulttyq koalısııasy elimizdegi 5 jetekshi saıası partııany, 23 iri qoǵamdyq birlestikti biriktiretinin atap ótken jón.
Láıla EDILQYZY,
«Egemen Qazaqstan»
Demokratııalyq kúshterdiń "Qazaqstan-2050" Jalpyulttyq koalısııasynyń Úndeýi
QURMETTI QAZAQSTANDYQTAR!
Elimiz jańa tarıhı dəýirge aıaq basty. Búgin, 2017 jylǵy 10 naýryzda Elbasymyz Nursultan Əbishuly Nazarbaev «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» Zańyna qol qoıyp, Qazaqstannyń saıası, ekonomıkalyq jəne əleýmettik jańǵyrýynyń irgetasyn qalady. Memleket basshysy bastamalyq etken konstıtýsııalyq reformalardy buryn-sońdy bolmaǵan keń kólemdegi jalpyhalyqtyq talqylaýy, Qazaqstan azamattarynyń memlekettik bılik tarmaqtary arasynda ókilettikterdi qaıta bólý jónindegi alty myńnan astam usy nystary, elimizdiń joǵarǵy zańnamalyq organynyń Negizgi Zańǵa ózgeristerdi jan-jaqty qarastyrýy men qabyldaýy – bul Qazaqstan halqynyń azamattyq kelisimi men birliginiń dəleldi kórinisi, Elbasynyń elimizdi jańǵyrtýdaǵy salıqaly saıasatyn qazaqstandyqtardyń biraýyzdan qoldaýynyń dəleli. Elbasymyz Parlamenttiń birlesken otyrysynda atap ótkendeı, konstıtýsııalyq reforma eń aldymen bizdiń qoǵamdy shoǵyrlandyrýǵa baǵyttalǵan. Elimizdiń Prezıdenti «Úshinshi jańǵyrý jəne «Qazaqstan -2050» damý strategııasy aıasynda alǵa qoıǵan maqsattardyń aýqymdylyǵy men kúr deliligin eskersek, Təýelsizdik, birlik, turaq tylyq, etnosaralyq jəne konfessııaaralyq kelisim sııaqty irgeli qundylyqtardyń mańyzy tek arta túsedi. Negizgi Zańnyń qaǵıdatty túrdegi mańyzdy erejesi ol myqty prezıdenttik bıliktiń saqtalýy jəne jańartylǵan Konstıtýsııada Təýelsiz Qazaq stan nyń negizin salýshy Nursultan Əbishuly Nazarbaev tyń erekshe rólin ornyqtyrý bolyp tabylady. Təýelsiz Qazaqstannyń Tuńǵysh Prezıdenti – Qazaqstan tabystarynyń basty arhıtektorynyń úzdik basqarýymen bizdiń respýblıka shırek ǵasyrdyń ishinde búkil əlemge əıgili, turaqtylyq, birlik jəne qarqyndy ekonomıkalyq damý ortalyǵy bolyp tabylatyn qýatty jəne bedeldi respýblıkaǵa aınaldy. Jańartylǵan Konstıtýsııa búkil memlekettik basqarý júıesiniń odan da tıimdi jəne úılesimdi jumys isteýine myqty múmkindik týǵyzady. Ekonomıka salasynda Úkimettiń atqarýshy ókilettikteri men derbestiginiń keńeıýi jəne onyń jaýapkershiligi men Parlament aldyndaǵy esep berýi saıası júıeniń turaqtylyǵy men memleket damýynyń uzaq jyldyq kepili bolyp tabylady. Parlamenttiń Úkimet qyzmetin baqylaýdaǵy ósip kele jatqan róli Úkimetten aǵymdaǵy jəne strategııalyq jumystyń sapaly jańa deńgeıin, joǵary zań shyǵarýshy organ, ol arqyly Qazaqstan halqy aldyndaǵy ashyqtyǵy men esep berýin talap etedi. Munyń Qazaqstan ekonomıkasynyń ınnovasııalyq damý maqsattaryna jəne əlemniń aldyńǵy qatarly 30 memleketiniń deńgeıine jetýdegi mańyzdy məni bar. Parlament jəne jergilikti ókiletti organdar róliniń ósýi halyq pen bılik arasyndaǵy negizgi baılanystyrýshy tetik, saıası prosester men qoǵamdyq talqylaýlardyń belsendi sýbektileri, barlyq əleýmettik toptar múddesiniń ókili retinde Qazaqstannyń barlyq saıası partııalarynyń jaýapkershiligin jəne damý múmkindigin kúsheıtedi. Saıası júıeni damytýdyń Konstıtýsııaǵa engizilgen úlken əleýeti elimizdiń barlyq saıası partııalary men qoǵamdyq birlestikterine qosymsha talaptardy júkteıdi. Elimizdiń Ata Zańynyń dəýirlik jańǵyrtylýy qoldanystaǵy zańdardy retke keltirý, azamattyq qoǵamnyń jalpy zańnamalyq bazany jetildirýge jəne konstıtýsııalyq reformalardy odan əri júzege asyrýǵa keńinen qatysýy boıynsha aýqymdy jumystardy qajet etedi. Biz, Demokratııalyq kúshterdiń «Qazaqstan-2050» jalpyulttyq koalısııasynyń músheleri, barlyq əleýmettik toptardyń múddesin bildiretin jetekshi saıası kúshter men úkimettik emes uıymdardyń ókiletti jəne bedeldi uıymy retinde memlekettiń barlyq azamattaryn qoǵamdyq kelisim men beıbitshilik, turaqtylyq pen elimizdiń damýy úshin konstıtýsııalyq reformalardy qoldaýǵa jəne ony iske asyrýǵa belsendi qatysýǵa shaqyramyz. «Nur Otan» partııasy, «Aq jol» demo kratııa lyq partııasy, Qazaqstan Kommýnıstik halyqtyq partııasy, «Birlik» saıası partııasy, «Aýyl» halyqtyq-demokratııalyq partııa- sy, «Qazaqstan Respýblıkasynyń kəsip odaqtar federasııasy» respýblıkalyq kəsipodaqtar birlestigi, «Atameken» Qazaqstan Respýblıkasynyń ulttyq kəsipkerler palatasy, «Qazaqstan kəsipkerleriniń forýmy» zańdy tulǵalar birlestigi, «Respýblıkalyq əıelder keńesi» qoǵamdyq birlestigi, «Qazaqstan Respýblıkasy Prezıdentiniń halyqaralyq «Bolashaq» stıpendııasy stıpendıattarynyń qaýymdastyǵy» qoǵamdyq birlestigi, «Qazaqstannyń azamattyq Alıansy» zańdy tulǵalar birlestigi, «Qarýly Kúshteriniń ardagerleri» respýblıkalyq qoǵamdyq birlestigi, «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestigi, «Qazaqstan Respýblıkasynyń Ulttyq ǵylymdar akademııasy» respýblıkalyq qoǵamdyq birlestigi, «Ardagerler uıymy» respýblıkalyq qoǵamdyq birlestigi, «Qazaqstannyń kəsipker əıelderi odaǵy» qoǵamdyq birlestigi, «Jasyl» ekonomıkany qoldaý jəne G-Global-dy damytý koalısııasy» zańdy tulǵalar birlestigi, «Qazaqstan tutynýshylarynyń ulttyq lıgasy» qoǵamdyq birlestigi, «Qazaqstannyń isker əıelderi qaýymdastyǵy» respýblıkalyq qoǵamdyq birlestigi, «Qazaqstan ardagerleri» Aýǵanstan soǵysy ardagerleriniń qaýymdastyǵy, «Qazaqstan ýkraındary radasy» qoǵamdyq birlestigi, «Qazaqstannyń daǵdarys ortalyqtary odaǵy» zańdy tulǵalar birlestigi, «Qazaqstan múgedekteriniń konfederasııasy» respýblıkalyq qoǵamdyq birlestigi, «Jańarý» sybaılas jemqorlyqqa qarsy jalpyulttyq qozǵalysy» respýblıkalyq qoǵamdyq birlestigi, «Juldyz» balalar qoǵamdyq uıymdarynyń odaǵy» qoǵamdyq birlestigi, Astana qalalyq demokratııalyq kúshterdiń «Qazaqstan-2050» koalısııasynyń músheleri.
