Almatylyq kıim óndirýshiler Astana naryǵyn ıgerýde

Almaty kıim jáne aıaq kıim óndirýshi «Qazjeńilónerkásip-Almaty» JShS óziniń ónimin «Mega Silk Way» saýda oıyn-saýyq ortalyǵyndaǵy jeke býtıginiń sórelerinde usyna otyryp Astana naryǵyna shyqty, dep habarlady Almaty qalasynyń ákimdigi. Bul kásiporynnyń Astanadaǵy ekinshi býtıgi, birinshi býtık «Samǵaý» saýda ortalyǵynda ornalasqan. Budan basqa, kompanııa «Mega Alma-Ata» saýda oıyn-saýyq ortalyǵyndaǵy býtıgimen qosa «Mega Park» saýda oıyn-saýyq ortalyǵynda jańa saýda ornyn ashýdy josparlap otyr. Jalpy, kásiporynnyń Qazaqstan boıynsha barlyǵy 4 býtıgi jumys isteıtin bolady. Barlyq býtıkterde erler kıimi men aıaq kıimi jáne mektep formasy satylady. О́tken jyldyń jeltoqsan aıynda kásiporynnyń ıtalıandyq tehnologııa boıynsha 75-ten astam úlgidegi erler aıaq kıiminiń óndirisin iske qosyldy. Jeliniń óndiristik qýaty 2,5 mlrd. teńge taýar aınalymymen jylyna 150 000 jup aıaq kıimge jetedi dep boljanýda. Budan basqa, tigin buıymdarynyń óndiristik qýaty jylyna 1,5 mln. birlikti quraıdy. Kompanııa óniminiń qazaqstandyq qamtýdaǵy úlesi 84%-ǵa deıin jetti. Qazirgi ýaqytta fabrıka óńirdiń eń iri jumys berýshileriniń biri bolyp tabylady. Kásiporyn ashylǵan sátten beri jumysshylardyń sany 15 esege ósip, 30 adamnan 450 adamǵa deıin artty, al óndiris kólemi 7 esege artty. Sondaı-aq, kásiporyn janynda 2014 jyldan beri «Sheber» oqytý ortalyǵy  jumys isteıdi.