Beıbitshilik pen bereke bastaýy

Parlament palata­lary­nyń birlesken otyrysynda depýtattar qabyldaǵan el Táýel­siz­diginiń 25 jyl­dyǵyna ar­nalǵan Dek­larasııanyń tolyq máti­nin el gazeti «Egemen Qazaq­stan» basylymynan oqyp shyq­tym. Álemniń órke­­nıet­ti damyǵan 30 eliniń qatarynan ózindik orny­myz­dy alýǵa talpynyp otyrǵan Qazaq­stan­nyń shırek ǵasyrda jetken jetis­tikterin qalaı dáriptesek te esh artyqtyǵy joq. Qazaq­ta «Jaqsy sóz – jarym yrys» degen sóz bar. Son­dyqtan EKSPO-2017 halyqaralyq maman­dandyrylǵan kórmesin Elor­damyzda ótkizýge múm­kindik alǵanymyzdyń ózi nege tura­dy?! Endi sol syndarly sátten jaqsy ótip álem halyqtarynyń aldynda bedeli­mizge bedel qossaq, nur ústine nur bolary anyq. Negizi, bul kórme jaǵrafııalyq ornalasý yńǵaılylyǵy Eýropa men Azııanyń orta tusy bolyp ta sanalatyn bas qalamyzdyń baǵyn asha túsetinine kámil senemiz. Eń bas­tysy, eldigimizdi tanytar ıgilikti iske janashyr bolyp, qoldaý ári tileýqory bola bilý de kerek. Aqyl tarazysyna salyp, ekonomıkalyq turǵydan qarapaıym ǵana taldaý jasasaq, búgin­de birqatar elder óz ónimderin osy halyq­aralyq kórmede kórsetý úshin ózderine bólingen oryndaryn alýda. Bul – istiń ilgerileýine sebepshi bolatyn qadam.Sebebi, qatysýshylar sany artqan saıyn ózara básekelesý paıda bolady. Ol kórmeniń atyn shyǵaryp qana qoımaı, san sala boıynsha Qazaqstanǵa kelýshiler­diń qyzyǵýshylyǵyn da týdyrady. Sonda sapaly qyzmet kórsetý arqyly da kiris kózi tabylary anyq. Tizbeleı bersek, EKSPO-2017 halyqaralyq maman­dan­dyrylǵan kór­me­­si­niń bizge beretin paıdasy óte kóp. Tek sony utym­dy ári ádil paıdalana bilý mindet. Sonda Qazaq­stannyń aty beıbit te, berekeli el retinde halyq jadynda saqta­la beredi dep oılaımyn. «Yrys aldy yntymaq» degen danalyqty berik ustanǵan elimizdiń kúndelikti ómirinde tatýlyqtyń san úlgisi kórinis tabýda. Aıtalyq, 130 etnos ókili turatyn elimizdegi ty­nysh­tyqty keıbir memleketterde tura­tyn halyqtar armandap júrgenin dálel­dep otyrýdyń ózi artyq. Sheteldik ınves­torlardyń da Qazaqstanǵa kelip bıznesterin órkendetýge talpynatyny da elimizdegi tynyshtyqtyń jemisi bolyp tabylady. Bile bilsek, Qazaq­stannyń 2017-2018 jyldarǵa BUU Qaýipsizdik Keńesiniń turaqty emes múshesi bolyp saılanǵany da Táýel­sizdiktiń shırek ǵasyrynda jetken súbeli jetistigi bolyp sanalady. Serikbaı NURǴISAEV, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń basshysy   TALDYQORǴAN