Asqaraly Asqar aǵa

Asqar Qulybaevtyń elıtarly mádenıet ókilderine tán jarqyn shyǵarmashylyq der­bestigin dárip­teıtin tustary az emes. Solar­dyń bir­qataryn atap aıtar bol­saq: ınjener-elektrık, ınje­ner-qurylysshy, teh­nıka ǵy­lym­darynyń doktory, Qazaqstan Respýblıkasy men ha­lyq­aralyq ın­jenerler aka­de­mııa­synyń aka­de­mıgi, «Qurmet Bel­gisi», «Halyqtar Dostyǵy», I dárejeli «Ba­rys», «Otan», «In­je­ne­r­li dańq» pla­tınaly ordeni, «Dos­tas­tyqtyń Al­tyn juldyzy» Sývo­rov ordeni, BUU-nyń «Birlik or­deni» IýNESKO ordeni, «Dostyq» ordeni (Reseı), I dárejeli Uly Petr ordenimen ma­rapattalǵan. Sonymen qatar, ǵa­lym­ǵa Halyqaralyq ınjener­ler akademııasynyń kúmis medali tabys­tal­dy. IýNESKO jáne Halyqaralyq ın­jenerler aka­de­mııa­synyń laýreaty, Qazaqstan Respýblıkasy Mem­le­ket­tik syı­­lyǵynyń ıe­geri, sondaı-aq, Almaty qa­la­synyń Qurmetti aza­maty ataqtary professor A.A.Qu­ly­baev­tyń elıtarly tulǵa eken­digin dáıekteıdi.
Psıhologııa ǵylymynda «Adam­ tulǵa bolyp týylmaıdy, ol­ áleý­­met­tik, mádenı damý nátı­je­sinde qa­lyptasady» degen qa­ǵıdat bar. Tulǵa rasyn­da bir kúnde qalyptaspaıdy, ol – ómir aǵysynda pisip-jetilgen, bel­sendi ómirlik pozısııasy bar jáne ishki qajettilikke baılanysty tańdaý jasaı biletin, ózi qoǵamynyń aldynda jaýap be­rýge daıar, únemi ózin ózi jáne ózgelerdi jetildirý úshin túr­li ádis-tásilderdi meńgerip, óz minez-qulqyn retteýshi adam. Osy para­­dıgmalardyń bárine sáıkes keletin – Asqar Altynbekuly Quly­baev.
Danyshpan  Abaı búkil shyǵar­ma­shylyǵynda Naǵyz Adam, Tolyq Adam qandaı bolý kerek degen su­raqqa jaýap izdeıdi, ári oǵan jaýap beredi. «Áýeli bir sýyq muz – aqyl zerek» óleńinde: 
Aqyl, qaırat, júrekti 
birdeı usta,
Sonda tolyq bolarsyń 
elden bólek, 
– deıdi. Abaı aıtyp otyrǵan elden bólek, tolyq adam – aqyl, qaırat, júrekti birdeı ustaǵan jan – qazaqtyń elıtasy. Qazaq elıtasynyń múshesi Asqar Al­tynbekuly – ózi támamdaǵan Qu­rylys akademııasynyń bilim, tárbıe máselelerin únemi qadaǵalap otyratyn, ósýine, órkendeýine úles qosatyn azamat. Búgingi ǵalymnyń keshegi shákirt retinde ózi oqyǵan ordasynyń bi­lim­gerleriniń áleý­mettik jaǵ­d­aıyn da eskerip otyrady. Kó­mekke muqtaj otbasylarynan shyqqan stýdentterdiń de jaǵ­daıyna shákirtaqy taǵaı­yn­daý, sheteldik tájirı­bege baratyn stýdentterge rýhanı, materıaldyq kómek berýge árqashan daıyn. 
Qazaqta «Jaqsynyń jaq­sy­lyǵyn aıt, nury tasysyn» degen sóz bar ǵoı. Mine, Asqar Altynbekuly – aınalasyna nuryn shashyp júretin, jaqsylar men jaısańdaryn tanı biletin, kómek qolyn so­zýǵa únemi daıar turatyn osyndaı tulǵa. Osy sebepten ózi túlek bolyp shyǵyp, qazirgi  tańda jumysyna úles qosyp júrgen bilim ordasy Qazaq bas sáýlet qurylys akademııasynda Qamqorshylar keńesiniń Pre­zıdıým tóraǵasy laýazymyna ıe bolǵanyn eskersek, onyń me­se­nattyǵynyń dálelderi aı­qyndalady. 
Qazaqstannyń ar­­hı­­tek­tý­ra-­
lyq-qurylys mektebinde óz qol­tańbasy bar A.A.Qulybaev elimizdiń daǵdarys jaǵdaıynda arhı­tektýralyq jáne ınje­ner­lik mamandarynyń jetis­peý­shiligin aıta otyryp, oǵan naq­ty qoldaý kórsetip otyra­dy. Osyǵan qarap, ózi bilim alǵan oqý ornynyń janashyry ultymyzdyń kórnekti ókil­deriniń biri, tehnıka ǵylymdarynyń doktory, akademık  A.A.Qulybaev – dana Abaı kórsetken tolyq adam men atalǵan álem tanyǵan fılosoftar tanymyndaǵy elıta ólshemine tolyq saı keletin tulǵa.  X. Ortega-ı-Gasset aıtqandaı, qoǵamnyń ilgerileýine aıtarlyqtaı úles qosqan, elimizdiń bilim berý salasyna kóptiń biri retinde emes, biregeıi retinde tanylyp júrgen ǵalym-pedagog deýge de tolyq negiz bar.
Akademık Asqar Altyn­bek­ulynyń ómirdegi, ǵylymdaǵy joly osy kórse­tilgen elıtaly má­denıet ıelerine tán qa­sıet­terdiń barlyǵyna birdeı jaýap bere alatyn,  bıologııalyq j­áne genetıkalyq shyǵý tegi men psı­hologııalyq sıpaty, laýazym satylary men qoǵamdaǵy orny, ǵylym jolyndaǵy zııatkerlik áleýeti men kisilik kelbeti danyshpan Abaı aıtqan tolyq adamnyń qasıetteri: ystyq qaırat, nurly aqyl, jyly júrek ıesi ekendigin aıǵaqtaı túsedi.
Qurmetti Asqar Altyn­bekuly! Sizdi tól merekeńizben qut­tyq­taýǵa ruqsat etińiz. Sizdiń tereń bilimińiz, joǵary kásibıligińiz ben biliktiligińiz ózińizge áriptester arasynda laıyqty qurmet syılady. Bizge, izbasarlaryńyzǵa tereń oı jáne eńbekqorlyq úlgisi bolyp, únemi baǵyt kórsetip júrgenińiz úshin rızashylyǵymdy bildiremin. Sizdiń aldaǵy jumysyńyz da Qa­zaqstannyń damýy men gúlde­nýine baǵyttalatynyna nyq senim­dimin. Shyn júrek­ten sizge jáne sizdiń ja­qyn­daryńyzǵa myqty den­saýlyq, mol baqyt, bereke jáne qyzmetterińizge sáttilik tileımin.  

Aqsáýle TAÝBALDIEVA,
Halyqaralyq bilim berý korporasııasynyń syrtqy qatynastar jáne stýdenttik  máseleler jónindegi prorektory