Kórneki sýret
Oqıǵanyń mán-jaıyn anyqtaý maqsatynda Jambyl oblysy ákimdiginiń veterınarııa basqarmasynyń basshysy Ospan Berdııarovqa habarlasqan edik.
– Oqıǵa ornyna baryp, jaǵdaıdy óz kózimmen kórip keldim. Talas aýdanynyń ákimi Dosmahanbet Álıevpen birge Qaratal qalasynyń turǵyndarymen kezdestik. 11 bas jylqy sol mańdaǵy ózen sýyn ishkennen keıin ýlanyp ólgen bolýy múmkin. Qazir tekserý jumystary júrgizilip jatyr. Ázirge eshqandaı juqpaly aýrýdyń belgileri anyqtalǵan joq, – dedi basqarma basshysy.
Al mal ıeleriniń aıtýynsha, jylqylardyń jappaı qyrylýy alǵashqy oqıǵa emes eken. Sol mańnan ózen sýyna bas qoıǵan úı janýarlarynan bólek, jabaıy ań-qustyń da óleksesi de jıi tabylady eken. Jergilikti jurt «Altyn kól» atap ketken ózen sýy Qarataý qalasynda ornalasqan hımııalyq ónimder zaýytynyń qaldyqtarymen lastanýy múmkin degen boljamdar bar.
Hamıt ESAMAN,
«Egemen Qazaqstan»
