Balýandarymyz tórt altyn ıelendi

Bıylǵy Azııa oıyndarynyń baǵdar­la­ma­syna belbeý kúresi boıynsha qazaq kúresi en­gen bolatyn. Tól kúresimizden synǵa tús­ken balýandarymyz namysty qoldan ber­meı, nátıjeli óner kórsetti. Atap aıtar bol­saq, qazaq kúresinen Aıbek Nuǵymarov (+90 kg) pen Qasymhan Túlenbaı (70 kg) chempıon atansa, Ádiljan Ystybaev (90 kg) qola júldeger atandy. Al belbeý kúresinen Perızat Jaqypbekova Azııa (70 kg) oıyndarynyń altyn medalin ıelendi. Áýezhan Qurbanqulov (70 kg) jáne Uljan Dúısembaevalar qolany qanaǵat tutty.

Jarystyń segizinshi jáne toǵyzynshy kúninde Pavel Vorjev velosporttyń eki tú­­rinen altyn medal ıelense, Qazaqstan qu­­ramasy komandalyq esepte de top jar­dy. Ádil Qasqabaı júzý sportynan t­u­ǵyr­dyń birinshi satysynan kórinse, Ásem Sadyqova (69 kg) aýyr atletıkadan chem­pıon atandy. Sondaı-aq mýaıtaı sporty­nan Ábil Ǵalıev (54 kg), Vadım Loparev (75 kg), Emıl Ýmaev (81 kg) jáne velosporttan Artem Zaharov kúmis júldeni qanaǵat tutty.

Sonymen qatar qurama qorjynyna qo­la medaldardy belbeý kúresinen Áýez­han Qurbanqul (70 kg), Uljan Dúısembaeva (60 kg), bılıard sportynan Álıhan Qaranaev, kıkboksıngten Áı­ge­rim Rahatova (56 kg), júzý sportynan ko­mandalyq jarysta jáne velosporttan Sergeı Ponomarev saldy.
V Azııa oıyndarynyń toǵyz kúniniń qo­ry­tyndysy boıynsha Qazaqstan qura­masy jal­pykomandalyq esepte 50 medalmen (15, 13, 22) altynshy oryn­ǵa turaqtady. Ázir­she Túrikmenstan quramasynyń sportshy­lary top basynan túspeı keledi.