Memleket basshysynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýyn bárimiz erekshe yqylaspen qabyldadyq. Kezekti jahandyq ekonomıkalyq daǵdarys qateri órship turǵan kezde «...Biz jańa zamanǵa saı bolý úshin Tórtinshi ónerkásiptik revolıýsııa jaǵdaıyndaǵy tarıhı órleý bastaýynda turǵan birtutas ult bolýymyz kerek» ekenin túsinip otyrmyz.
Prezıdent qazaqstandyqtardy tolǵandyrǵan basty máselege «Bul Joldaý jańa álemge, ıaǵnı, Tórtinshi ónerkásiptik revolıýsııa álemine beıimdelý men jetistikke jetý jolyn tabý úshin ne isteý qajettigin aıqyndaıdy», dep naqty jaýap berdi.
Elbasy Joldaýynyń basty tujyrymynda kúrdeli áleýmettik-ekonomıkalyq jaǵdaıǵa qaramastan, elimizdiń negizgi basymdyqtary myzǵymaıtyny, memleketimizdiń strategııalyq baǵdary burynǵysha qala beretini aıqyndalǵan.
Osynaý asa mańyzdy memlekettik qujatta elimizdiń ishki jáne syrtqy ahýalyna egjeı-tegjeıli taldaý jasalyp, órkendeýdegi basym baǵyttar aıqyndaldy, halyqaralyq jáne memleketaralyq qatynastarǵa baǵa berildi, barlyq mańyzdy máseleler men qaterlerdi sheshý joldary tabyldy.
Joldaýda elimizdegi barlyq azamattardyń kúsh-jigerin biriktirýge erekshe mán berilip otyr. Prezıdent otandastaryna barlyq qaýip-qaterlerdi eńserý úshin jáne ekonomıkada, qoǵam men memleket damýyndaǵy jańa sapalyq turǵydaǵy deńgeıge kóterilý úshin oı-nıetter men is-áreketterdi biriktirýge shaqyrady.
Memleket basshysy alǵa qoıǵan aýqymdy maqsattardy iske asyrý úshin bizdiń bárimiz kúsh-jigerimizdi biriktirip, birge áreket etýimiz kerek.
Muratbaı JOLDASBAEV,
Parlament Senatynyń depýtaty
