Bala kezinen dızaınǵa qyzyǵatyn. Qaǵazǵa túsip turǵan san túrli dúnıelerdi iske asyrǵansha asyqqan ol aqyry temirge toqtady. Temir – tózimdi jáne bastysy synbaıdy. Alǵashqy jumysy meken-jaı jazylǵan taqta boldy. Keıin temir úki deısiz be, taýys deısiz be, ań men qustyń neshe túri jasaldy.
– Nege ekenin bilmeımin, Maıkl Djeksonnyń ár túrli keıpindegi temir músinderin jasaý maǵan erekshe shabyt beredi, – deıdi Beıbit.
– Ánderin súıip tyńdaımyn dep aıta almaımyn. Múmkin maǵan Maıkldiń qımyl-áreketi, stıli unaıtyn shyǵar. Qazir sheberhanamda álemge áıgili pop-mýzyka koroliniń sulbasynyń toptamasy bar.
Al jańa jyl qarsańynda Beıbit Eıfel munarasynyń kóshirmesin jasap bitirdi. Bıiktigi eki metr munara metaldan daıyndalǵan. Ár santımetrine deıin asqan yjdaǵattylyqpen, kórkemdikpen ásemdelgen. Romantıkalyq fotosessııalarǵa, kóshpeli saltanattarǵa taptyrmas kórnekilik. Endi Astanadaǵy Báıterek pen Atyraý qalasynyń gerbin jasaýdy oılap júr.
Kishkene ǵana sheberhanany jalǵa alyp, is bastaǵan jas jigit úlken dúnıelerdi armandaıdy jáne soǵan jeterine senedi. Osy maqsatta Reseıge baryp oqyp ta keldi. О́tken jyly Atyraýda bolǵan «Start up Akademııa» baıqaýyna «Metall buıymdar jasaý» jobasyn usynyp, júldeger atandy. Temirden túıin túıgen jas sheberligin shyńdap, endi aǵashtan túrli zattar jasaýdy qolǵa almaq nıette.
Baqytgúl BABASh,
«Egemen Qazaqstan»
ATYRAÝ
