Qalalyq deneshynyqtyrý jáne sport bóliminiń málimetinshe, trıatlon bólimi ashyla salysymen-aq 152 bala jattyǵýǵa yqylas bildiripti. Jattyqtyrýshylary da bar. Bólimdi trıatlon jabdyqtarymen jabdyqtaý úshin velosıped, sporttyq kıim, jattyǵý jasaý qurylǵylaryn alýǵa oblystyq bıýdjetten 27 mıllıon teńge bólinipti. Júz velosıped satyp alynǵan. Trıatlon sportymen aınalysatyn sport mektebiniń oqýshylary kóktemniń jyly kúnderin asyǵa kútýde.
Sport mektebi boıynsha jas sportshylardy 34 jattyqtyrýshy daıarlaıdy. Túlekteri Olımpııa oıyndarynyń qatysýshylary, velosportshylar Iýrıı Iýda, Andreı Zeıs, Aleksandr Dymovskıh, Evgenıı Iаkovlev jáne basqa sportshylaryn maqtan etedi. Jyl saıyn mekteptiń órenderi sport túrleri boıynsha elimizdiń qurama komandasy sapynda jarystarǵa qatysady.
Farıda BYQAI,
«Egemen Qazaqstan»
Pavlodar
