Memlekettik qyzmet isteri jáne sybaılas jemqorlyqqa qarsy is-qımyl departamenti basshysynyń orynbasary Janat Jumabaevtyń aıtýynsha, ádep keńesiniń otyrystarynda 37 tártiptik is qaralǵan. Abyroıyn tógetin áreketteri úshin 18 memlekettik qyzmetker jaýapqa tartylǵan. Bireýi qyzmetinen alastatylyp, ekeýi laýazymnan alynǵan. Qyzmet etıkasyn buzýyna baılanysty 13 sheneýnikke jaza qoldanylǵan.
Jaýapqa tartylǵandardyń arasynda aýmaqtyq jáne jergilikti organdardyń 26 qyzmetkeri, 5 aýyldyq ákim bar. Olardyń arasynda mas bolyp kólik júrgizý oqıǵalary jıi kezdesedi. Máselen, Aıyrtaý aýdandyq deneshynyqtyrý jáne sport bóliminiń jetekshisi, Aleksandrovka aýyldyq okrýginiń ákimi iship alyp, kólik aıdaǵan. Toranǵul aýyldyq ákimi qaramaǵyndaǵylarǵa dóreki minez kórsetken. Amangeldi aýyldyq okrýginiń ákimi jumys kezinde toı jasap, ishimdik uıymdastyrǵan.
О́mir Esqalı,
«Egemen Qazaqstan».
Soltústik Qazaqstan oblysy
