Tramp pen N.Nazarbaevtyń kezdesýi: Yntymaqtastyqtyń jańa satysy - The Hill

Birinshi aǵylshyn-aýǵan soǵysynan keıin London beıtarap saıasat júrgizdi. Sondyqtan bolar, patshalyq Reseıdiń Ortalyq Azııaǵa yqpaly kóp boldy. 170 jyldan astam ýaqyt ótken soń Barak Obamanyń ákimshiligi Ortalyq Azııadaǵy saıasatty baqylaýǵa aldy. Endi mine, Donald Tramp Qazaqstan Respýblıkasynyń Prezıdenti Nursultan Nazarbaevty resmı saparmen AQSh-qa shaqyrdy. Qazaqstan qańtar aıynan BUU QK tóraǵalyǵyn bastady. 

Tramp pen onyń komandasy Qazaqstan Prezıdentimen kezdesýdiń mańyzdy ekenin biledi. Onyń bir sebebi - qańtardyń birinde Qazaqstan BUU QK tóraǵalyǵyn bastady. 

Qazaqstan - 17 mln halqy bar memleket. Qytaı, Reseımen shekaralas bul el munaı men gaz qoryna óte baı. Sonymen qatar qazaq eli úshin ekstremızmge qarsy kúres pen Aýǵanstandaǵy jaǵdaı da mańyzdy. 

Eki alpaýyt memlekettermen kórshiles otyrǵan Qazaqstandaǵy jastardyń bolashaǵy zor ekenin senimmen aıtýǵa bolady. Nursultan Nazarbaev aımaqtyq forýmdarda Pýtın jáne Sımen jylyna birneshe ret kezdesedi. Degenmen, Qazaqstan óz azamattaryna kórshi memleketterdiń yqpaly bolmaýyn qatań qadaǵalaıtynyn baıqaýǵa bolady.

Nursultan Nazarbaevtyń Vashıngtonǵa sapary, sonymen qatar memlekettiń BUU Qaýipsizdik Keńesindegi tóraǵalyǵy Qazaqstannyń táýelsizdik alǵan az ǵana ýaqyttyń ishinde joǵary deńgeıge jetip, úlken jetistikterge qol jetkizgenin kórsetedi. 

AQSh pen Qazaqstan arasynda qaýipsizdik jáne barlaý qyzmeti salalarynda jaqsy seriktestik ornaǵan. Endi eki memleket aımaqtaǵy terrorızmmen kúres boıynsha yntymaqtastyqty kúsheıtkeni jón. Sonymen qatar qajetti áskerı tehnıkamen qamtý jaǵynan da seriktestik nyǵaıýy múmkin. 

Qazaqstanmen yntymaqtastyqtyń amerıkalyqtarǵa tıgizip jatqan kommersııalyq paıdasy bar ekenin de aıta ketý kerek. Mysaly, jaqynda Chevron Qazaqstandaǵy Teńiz ken ornyna 37 mlrd dollar ınvestısııa saldy. Qubylmaly ekonomıkalyq jaǵdaıdaǵy bul áreket kompanııanyń Ortalyq Azııadaǵy memlekettiń ekonomoıkalyq turaqtylyǵyna degen senimdi kórsetse kerek. 

Qazaqstan memleketiniń kóshbasshysy resmı sapary barysynda Nıý-Iorkte Ýoll-strıt ınvestorlarymen kezdesedi dep josparlanyp otyr. Kezdesý barysynda Astana qor naryǵyna ınvestısııa tartý, memlekettiń eń iri kompanııalarynyń aksııalaryn satý týraly talqylanady. Sonymen qatar birneshe kommersııalyq kelisimshartqa qol qoıylady. 

2015 jyldan bastap Qazaqstan Dúnıejúzilik saýda uıymynyń múshesi bolsa da AQSh-pen saýda aınalymy kóp emes. Iаǵnı, Amerıka tehnologııa men óndiris taýarlary eksportyn Qazaqstanǵa kóptep jiberip, bul olqylyqtyń ornyn toltyrýǵa múddeli. 

Buǵan deıin Barak Obama men Nursultan Nazarbaev úlken jıyndarda kezdesken bolatyn. Biraq Tramp pen N.Nazarbaevtyń bul jolǵy resmı kezdesýi eki memlekettiń úkimeti men basqarý kabınetiniń qatysýymen ótedi.