Qazaqstan Prezıdenti Nursultan Nazarbaev pen AQSh Prezıdenti Donald Tramp Nazarbaevtyń AQSh-qa resmı sapary barysynda Aq úıde 16 qańtarda kezdesedi.
«Prezıdent Donald Tramptyń basshylyǵy kezindegi Ortalyq Azııa elderiniń ishinen birinshi bolyp, Nazarbaevtyń Aq úıge resmı saparmen kelýi Qazaqstannyń aımaqtaǵy negizgi oıynshy ekenin aıqyndaıdy», - deıdi saıası sarapshy, Sıngapýrdyń Nanyang tehnologııalyq ýnıversıteti qyzmetkeri Djeıms Dorsı.
Ol Ortalyq Azııanyń Úndi-Qytaı básekelestigi, Úndistan men AQSh-tyń tyǵyz qarym-qatynasy jaǵynan mańyzdy ekenin atap ótti. Sonymen birge Qazaqstannyń jaqyn seriktesi Reseı bul sapardy muqııat qadaǵalaıtyn bolady, - dedi Dorsı.
Eki memleket basshylary aımaqtyq qaýipsizdik pen ekonomıkalyq yntymaqtastyq máseleleri boıynsha strategııalyq áriptestikti nyǵaıtý joldaryn, sondaı-aq Qazaqstannyń BUU Qaýipsizdik Keńesine tóraǵalyq etý kezinde kún tártibine qoıylǵan birqatar halyqaralyq problemalardy talqylaıdy.
QR Prezıdenti baspasóz qyzmetiniń habarlaýynsha, 16-18 qańtarda Nursultan Nazarbaev AQSh-qa úsh kúndik resmı saparmen keledi.
Sonymen qatar Qazaq Prezıdenti BUU Qaýipsizdik Keńesiniń otyrysyna qatysady.
