2016 jyly qala men qala mańyndaǵy aýyldardyń kóshelerinde 96 shaqyrym jol salynsa, 2017 jyly jol qurylysy qarqyn aldy. О́tken jyldyń 12 aıynda jalpy uzyndyǵy 267 km 330 kóshe asfalttaldy.
2018 jyly jasalatyn jol qurylysyna jobalaý-smetalyq qujattama daıyndalýda. Jospar boıynsha qala men mańyndaǵy aýyldardyń 207 kóshesine asfalt tóseledi. Avtokólik jolynyń jalpy uzyndyǵy 220 shaqyrym.
- Atyraý qalasynyń ákimi Serik Shapkenov atyraýlyqtardy jol qurylysyn baqylaýda ustaýǵa qatysýlaryn shaqyrdy. Jol qurylysyndaǵy keleńsizdikterge kýá bolǵan qala turǵyndary Telegram qosymshasyndaǵy «Atyraý oblystyq ákimdigi» chat-arnasyna nemese "Atyraý Sıfrlyq qabyldaý» qosymshasy arqyly habarlaı alady, - dep habarlady Atyraý qalasy ákiminiń baspasóz qyzmeti.
Sondaı-aq bıyl qala men selolyq okrýgter aýmaǵyndaǵy 19800 tekshe metr jolǵa aǵymdaǵy jóndeý júrgizý josparlanyp otyr. 2018 jyly Atyraýdaǵy 184 kóshege 178 km jaıaý júrginshiler jolyn salý úshin JSQ jasaýǵa 25 mln teńge bólindi. Avtokólik joldary qasynan asfalttanǵan jaıaý júrginshiler jolyn salý jumystary qala men toǵyz selolyq okrýgte bastalady.
