Qazaqstan Respýblıkasynyń Qarjy mınıstri Baqyt Sultanov «Qazaqstan Respýblıkasynyń Qarjy mınıstrligi memlekettik baǵaly qaǵazdardyń emıtenti retinde Euroclear arqyly memlekettik baǵaly qaǵazdar naryǵyna rezıdent emesterdiń týra qol jetimdiligin qamtamasyz etýde memlekettik baǵaly qaǵazdardy tıimdi básekelestik shartta ornalastyrýǵa múmkindik beredi. Bul óz kezeginde, áleýetti qaryz alý qunyn tómendetýge jáne ınvestorlyq bazasyn keńeıtýge múmkindik beredi», - dep atap ótti.
«Euroclear Qazaqstan Respýblıkasy Qarjy mınıstrligimen jáne jergilikti naryqtyń ınfraqurylymymen Euroclear-ny engizýden paıda ala alatyn kapıtal naryǵyn qurýǵa kómek kórsetý maqsatynda seriktestik jasaýǵa qýanyshty ekenin bildiredi. Euroclear-ny engizý naryqqa birtutas, ótimdiliktiń qýatty pýlsyn qamtamasyz etýge múmkindik beredi jáne nátıjesinde ol myqty makroekonomıkalyq paıdaǵa, onyń ishinde oblıgasııalar boıynsha tabystylyqty tómendetýge, sondaı-aq jergilikti aktıvterdiń ótimdiligin arttyrýǵa ákelip, ol óz kezeginde, tereń, turaqty jáne iri jergilikti naryqty jasaıdy», - dep atap ótti Euroclear-da ETF kapıtal naryqtary, qorlar men qyzmetter baǵyttary boıynsha ǵalamdyq bólemsheniń dırektory Stefan Pýıa.
Jalpy, bul óz kezeginde qazaqstandyq emıtentterge jergilikti baǵaly qaǵazdardy 90-nan artyq elderdiń 2000-nan asa qarjylyq ınstıtýttardy qosatyn klıentteri bar AA+ reıtıngisimen baǵaly qaǵazdardyń halyqaralyq ortalyq depozıtarııi Euroclear platformasy arqyly týra, qarapaıym jáne tıimdi túrde shyǵarýǵa múmkindik beredi.
«Euroclear arqyly qazaqstandyq emıtentter «Astana» Halyqaralyq qarjy ortalyǵynyń birtutas platformasynda jergilikti jáne halyqaralyq ınvestorlarǵa da qol jetimdilikke ıe bola alady. Ýaqyt óte kele baǵaly qaǵazdar emıtentteri úshin qaryz alý quny tómendep, Qazaqstan ekonomıkasynyń damýyna óz úlesin tıgizedi dep kútilýde», - dep «Astana» Halyqaralyq qarjy ortalyǵynyń Basqarma tóraǵasy Nurlan Qusaıynov atap ótti.
Álemdegi post-treıd qyzmetin jetkizýdegi aldyńǵy qatarly jáne senimdi jetkizýshilerdiń biri bolyp tabylatyn Euroclear-diń Qazaqstannyń naryq kapıtalynyń damýyna qatysýy Qazaqstannyń qarjy naryǵynda tıimdilik pen turaqtylyqty qamtamasyz etýge septigin tıgizedi.
