Sýretti túsirgen Aıbatyr NURASh
Aqsaı qalalyq №8 jalpy orta bilim beretin mektebi atalǵan bilim ǵımaratyna byltyr salynǵan 100 úılik Araltal shaǵyn aýdanynyń balalary barady. Mektep ǵımaraty tolyqtaı zamanaýı úlgide salynyp, qajetti kerek-jaraqtarmen qamtamasyz etilgen. Munda sport zaldary, ashana, zerthana kabınetteri men sheberhana, sondaı-aq shaǵyn ortalyq jumysyna arnalǵan arnaıy oryndar ashylǵan.
Oblys ákiminiń orynbasary Ǵabıdolla Ospanqulov barlyq ata-analar men muǵalimderdi, oqýshylardy aıtýly oqıǵamen quttyqtady.
– Elbasy bıylǵy Joldaýynyń «Adamı kapıtal – jańǵyrý negizi» atty jetinshi baǵytynda elimizdegi bilim berý salasyna erekshe kóńil bólip, bul iste ozyq júıeni qalyptastyrý kerektigine toqtaldy. Sondaı-aq «Rýhanı jańǵyrý» baǵdarlamasynda da memlekettiń alǵa damýy tek bilimniń saltanat qurýy arqyly ǵana múmkin dep aıtylǵan. Bul oraıda oblys kóleminde atqarylǵan aýqymdy is kóp. Jyl saıyn bilim sapasyn kóterý, muǵalimderdiń biliktiligin arttyrý baǵytynda tynbaı jumys atqarylyp, jańa bilim berý nysandarynyń qurylysy júrgizilip jatyr, – dedi Ǵabıdolla Ospanqulov.
О́tken jyly óńirde 24 bilim berý nysany salynsa, bıyl qańtar aıynyń ózinde jańadan 2 mektep paıdalanýǵa berildi.
Qazbek QUTTYMURATULY,
«Egemen Qazaqstan»
Batys Qazaqstan oblysy
