Tımýr Súleımenovtyń aıtýynsha, jumyspen qamtýdyń, ınvestısııalar tartýdyń negizgi kózi, ekonomıkanyń básekege qabilettiligin qalyptastyrýdyń irgetasy bolyp tabylatyn ekonomıkanyń atalǵan sektoryn damytý Ulttyq ekonomıka mınıstrligi jumysynyń negizgi basymdyqtary bolyp tabylady.
Atalǵan baǵyttaǵy jumys úsh júıelik blok boıynsha júzege asyrylady:
memlekettik retteýdi jetildirý jáne bıznes ahýaldy jaqsartý;
qarjylandyrýǵa qoljetimdilikti arttyrý jáne qoldaý sharalaryn jetildirý;
salalyq kedergilerdi joıý.
«Memlekettik retteýdi jetildirý jáne bıznes ahýaldy jaqsartý» baǵyty boıynsha sáıkes zań jobasy ázirlendi, onda 100 zań men 13 kodekske ózgeristi qamtıtyn shamamen 1000 túzetý bar.
Zań jobasy memlekettik baqylaý men qadaǵalaýdy reformalaýdy, kásipkerlerdiń aýyrtpalyqty eseptiligin azaıtýdy, bıznestiń jappaı shyǵyndaryn qysqartýdy, básekelestikti damytýǵa kedergi keltiretin naryq sýbektileriniń erekshe quqyqtaryn joıýdy jáne «Doing business» Dúnıejúzilik bankiniń reıtıngisi boıynsha Qazaqstannyń pozısııasyn jaqsartýdy kózdeıdi.
«Kelesi mańyzdy baǵyt kásipkerlik qyzmetti qarjylandyrýǵa qoljetimdilikti arttyrý bolyp tabylady. Munda qoldaýdyń basty quraldary “Bıznestiń jol kartasy 2020” Bıznesti qoldaý men damytýdyń biryńǵaı baǵdarlamasy, О́nimdi jumyspen qamtýdy jáne jappaı kásipkerlikti damytý baǵdarlamasy, sondaı-aq halyqaralyq qarjy uıymdarynyń kredıttik jelileri bolady», — dep atap ótti Tımýr Súleımenov.
«Bıznestiń jol kartasy 2020» Bıznesti qoldaý men damytýdyń biryńǵaı baǵdarlamasy aıasynda 2017 jyldyń qorytyndysy boıynsha qoldaý sharalarymen 192 myńnan astam kásipkerler men kásipkerlik bastamasy bar halyq qamtyldy, bul 2016 jylmen salystyrǵanda 10% artyq.
2017 jyldyń qorytyndysy boıynsha syıaqy jáne kredıtterge kepildik berý mólsherlemelerin sýbsıdııalaý arqyly qoldaý kórsetilgen kredıt qorjyny 286,6 mlrd teńgeni qurady. Barlyǵy 3351 jobaǵa qoldaý kórsetildi, bul 2016 jylmen salystyrǵanda 10% artyq. 490 mln teńge somasyna 276 jobaǵa memlekettik grant usynyldy, 12,1 mlrd teńge somasyna 25 jobaǵa jetistpeıtin ınfraqurylym júrgizildi, oqytý baǵdarlamalarymen jáne servıstik qyzmettermen 74,8 myń jańa bastaǵan jáne jumys istep jatqan kásipker qamtyldy.
2017 jyldyń qorytyndysy boıynsha baǵdarlamaǵa qatysýshylar 3,5 trln teńge somaǵa ónim óndirdi, 17,3 myńnan astam jumys orny quryldy, 217 mlrd teńge somaǵa salyq tólendi.
Sonymen qatar, «Bıznestiń jol kartasy 2020» baǵdarlamasynyń jumys istep jatqan quraldaryna jumyssyz jáne ózin-ózi jumyspen qamtyǵan halyqqa baǵyttalǵan О́nimdi jumyspen qamtýdy jáne jappaı kásipkerlikti damytý baǵydarlamasy aıasyndaǵy qoldaý sharalary aıtarlyqtaı tolyqtyrý boldy.
О́nimdi jumyspen qamtýdy jáne jappaı kásipkerlikti damytý baǵdarlamasy boıynsha 2017 jyldyń qorytyndysy boıynsha 10 mlrd teńge jospar kezinde ekinshi deńgeıdegi bankterde 11,8 mlrd teńge nesıe ornalastyryldy, onyń ishinde 2018 jylǵy 5 qańtardaǵy jaǵdaı boıynsha 10,1 mlrd teńge somaǵa jobalar qarjylandyryldy, maquldandy jáne qaraýda boldy.
Aıta ketken jón, jergilikti atqarýshy organdar bólgen qosymsha qarajatty eskergende shaǵyn nesıelendirý qorjyny 14,2 mlrd teńgeni qurady, onyń ishinde bankterde 12,9 mlrd teńge somǵa nesıeler ornalastyryldy. Bıznestiń 172 jobasy 967 mln teńge somaǵa banktik kepilderge ıe boldy. 15 myń jumyssyzdar men ózin-ózi jumyspen qamtyǵandar oqytyldy, olardyń 3300 astam startaptary qarjylandyryldy.
Sondaı-aq, mınıstrlik ınvestısııalar jáne damý, aýyl sharýashylyǵy mınıstrlikterimen, «Atameken» UKP-men birge «Sıfrlyq Qazaqstan» baǵdarlamasy sheńberinde memlekettik qoldaý sharalary boıynsha «Biryńǵaı tereze» qurý boıynsha jumystar júrgizilip jatyr.
Usynylǵan sheshimderdi iske asyrý úshin 52 qoldaý quraldarynan turatyn tizim anyqtaldy. UEM málimetterine sáıkes, memlekettik qoldaý sharalaryn tolyq avtomattandyrý olardy qoljetimdi etýge, osy saladaǵy sybaılas jemqorlyq qaterlerin azaıtýǵa, kásipkerlik sýbektilerin qamtýdy arttyrýǵa múmkindik beredi.
Kelesi mańyzdy baǵyt salalyq kedergilerdi joıý bolyp tabylady. О́tken jyldardaǵy jumysty eskere otyryp, mınıstrlik múddeli memlekettik organdarmen birge 552 bıznestiń problemaly máselelerin qarady, olardyń 497-si sheshildi.
Statıstıka komıtetiniń málimetinshe, jumys istep turǵan bıznes sany 2017 jyldyń qorytyndysy boıynsha 1 145 994 birlikti qurady nemese 2016 jylmen salystyrǵanda 3,6% artyq. Oǵan qosa, ShOB ónimderi óndirisi edáýir ósti. 2017 jyldyń 9 aıynda ónim óndirisi 14,4 trln teńge somany qurady nemese 2016 jylmen salystyrǵanda 28,5% artyq.
«Shaǵyn jáne orta kásipkerlikti damytý boıynsha jumys Mınıstrliktiń basty nazarynda jáne turaqty baqylaýda ekenin atap ótkim keledi», — dep túıindedi mınıstr Tımýr Súleımenov.
Otyrysta «Báıterek» UBH basqarma tóraǵasy A. Áriphanovtyń, «Atameken» UKP basqarma tóraǵasy A. Myrzahmetovtyń baıandamalary tyńdaldy.
