Turǵyn úı qurylysyndaǵy úleskerlerdiń máselesine qatysty Astana qalasy ákiminiń orynbasary Sergeı Horoshýn baıandama jasady.
«Kestege sáıkes 8 nysan qarastyryldy. Osy aptada alǵashqy aldyn ala tizimge engen sońǵy 5 obektini qarastyrý josparlanǵan. Bul tizim boıynsha múlki TÚK-ne ótkizilmegen «ASSM-01» JShS men «Jastar-4» qarastyrylǵan joq. Atalǵan obektiler múlkiniń ótkizilýine qaraı "Nurly jer" turǵyn úı qurylysy baǵdarlamasy aıasynda qarastyrylatyn bolady», – dedi S. Horoshýn.
Sondaı-aq, ol «Bahyt-11» JShS obektisi qaralyp, qorytyndysy boıynsha tıisti usynymdar jasalǵanyn aıtty.
Onyń aıtýynsha, «Elorda qurylys kompanııasy» JShS ýákiletti uıymy VAK otyrystarynda qaralǵan obektilerdiń qujattaryn aldyn ala saralaý jumystaryn júrgizýde.
Tótenshe jaǵdaılar, sanıtarlyq-epıdemıologııalyq jaǵdaı, qala tirshiligin qamtamasyz etý nysandarynyń aǵymdaǵy jaı-kúıi jáne jylytý maýsymynyń barysy týraly Astana qalasy ákiminiń orynbasary Qosman Aıtmuhametov baıandady. Aıtýynsha, ótken aptada tótenshe jaǵdaılar tirkelgen joq, juqpaly aýrýlar boıynsha epıdemıologııalyq jaǵdaı turaqty, jylytý maýsymy shtattyq rejımde ótýde. Jylý júıeleriniń temperatýralyq rejımi bekitilgen rejımdik kartaǵa sáıkes uıymdastyrylǵan.
Dári-dármek toby men onyń qory týraly baıandaǵan Astana qalasy ákiminiń orynbasary Ermek Amanshaev qala stasıonarlary dári-dármek jáne medısınalyq buıymdar qorymen qamtamasyz etilgenin aıtty. Dári-dármekpen qamtamasyz etý boıynsha jaǵdaı baqylaýda.
Astanadaǵy krımınogendik jaǵdaı jáne quqyqtyq tártipti qamtamasyz etýge baǵyttalǵan is-sharalar boıynsha Astana qalasynyń Ishki ister departamentiniń basshysy Marat Qojaev esep berdi.
«Elordada jalpy operatıvti jaǵdaı turaqty. О́tken aptada barlyǵy 603 qylmys tirkeldi. «Izin sýytpaı» 69, buryn jasalǵan – 37, ótken jylǵy 47 qylmys ashyldy. Sot pen tergeýden qashyp júrgen 6 qylmysker ustalyp, iz-túzsiz joǵalǵan 6 adam tabyldy. 33 adam ÝTI-na qamaýǵa alyndy» – dep málimdedi M. Qojaev.
Beınebaqylaý kameralarynyń kómegimen 18 qylmys jáne 1412 ákimshilik quqyq buzýshylyq anyqtaldy.
Quqyq buzýshylyqtarǵa "múldem tózbeýshilik" boıynsha jumystar jalǵasyp jatyr. 1172 ákimshilik quqyq buzýshylyq tirkeldi, onyń ishinde usaq buzaqylyq – 126, tynyshtyqty buzý – 102, 165 alkogoldi ishimdik ishý, qoǵamdyq oryndarda mas kúıinde júrý, 230 belgilenbegen oryndarda temeki shegý, 504 abattandyrý erejelerin buzý, 45 belgilenbegen oryndarda saýda jasaý.
Bir aptada 5 763 582 teńgeni quraıtyn 1911 ákimshilik quqyq buzýshylyq anyqtalyp, onyń 446 127 teńgesi óndirildi.
Marat Qojaev 22 qańtar – 18 aqpan aralyǵynda qalada «Avtobýs» jedel aldyn alý sharalary júrgizilip jatqanyn habarlady.
Jol júrý qaýipsizdigi salasynda 7 mln 997 myń 827 teńge somasyna 2 063 ákimshilik quqyq buzýshylyq anyqtalyp, toqtatyldy.
Astana qalasy ákiminiń birinshi orynbasary Sergeı Horoshýn jaıaý júrginshiler ótkelderiniń máselelerin sheshý jáne jaıaý júrginshilerdiń qaýipsizdigin qamtamasyz etý jónindegi sharalar týraly qala ákimi tapsyrmasynyń qalaı oryndalyp jatqanyn baıandady.
Astana ákimi Áset Isekeshev rettelmegen jaıaý júrginshiler ótkelderinde baǵdarshamdardy ornatý jumystaryn jyldamdatýdy tapsyrdy.
«Magıstraldi kóshelerde kólik aǵymyn tejemeıtin, ótkizýdi qamtamasyz etetin aqyldy baǵdarshamdar qoıýdy tapsyramyn. Sondaı-aq, JKO kóp oryn alǵan jaıaý júrginshiler ótpelerin jaryqtandyrý qajet», – dedi elorda ákimi.
Qaladaǵy qoǵamdyq kóliktiń jumysy týraly Jolaýshylar kóligi basqarmasynyń basshysy Bekmyrza Igenberdınov baıandady.
Qalany abattandyrý suraqtary boıynsha «Almaty», «Esil», «Saryarqa» aýdanynyń ákimderi baıandama jasady.
