Aýdan ákiminiń orynbasary Sergeı Kımasovtyń aıtýynsha, 160 úı qyzyl sý qursaýynda qalyp, 272 adam qaýipsiz jerge kóshirilgen. Olardyń kóbi aýyl mektepterin panalaýǵa májbúr.
«Apat saldarymen 85 tehnıka men 160 adam kúresip jatyr. Jaıylǵan sýdy sorǵytý jumystary da qyzý júrýde. Aryqtar men qubyrlar qaıta-qaıta tazartylýda. Tasqyn bastaǵaly 150 tonna qıyrshyq tas tógip, 3500 qumqap tósedik. Bul jumystarǵa tótenshe jaǵdaı mamandary, jergilikti polısııa qyzmetkerleri men kommýnaldyq qyzmet jumysshylary jáne qarapaıym halyq kómektesýde» - deıdi Sergeı Kımasov.
Eske sala keteıik, búgin aýdanda jergilikti mańyzdaǵy tótenshe jaǵdaı jarııalanǵan bolatyn. Qazirgi tańda Glýbokoe jáne Beloýsovka kenti, Tarhanka, Predgornoe jáne Progress aýyldary sý qursaýynda qalyp otyr.
