Memleket basshysy Qazaqstan halqynyń jáne jeke óziniń atynan Ilham Álıevti Ázerbaıjan Respýblıkasy Prezıdentiniń saılaýyndaǵy aıqyn jeńisimen quttyqtady.
«О́tken saılaýdaǵy jeńisińiz azamattardyń ál-aýqatyn odan ári arttyrýǵa jáne memleketińizdiń halyqaralyq arenadaǵy bedelin nyǵaıtýǵa baǵyttalǵan Sizdiń saıasatyńyzǵa Ázerbaıjan halqynyń kórsetken joǵary qoldaýynyń dáleli bolyp sanalady.
Baýyrlas Ázerbaıjan eliniń órkendeýi jolyndaǵy jaýapty qyzmetińizde jańa tabystarǵa qol jetkizýińizge jáne aldaǵy barlyq josparyńyzdyń sátti iske asyrylýyna tilektespin.
Qazaqstan men Ázerbaıjan arasyndaǵy berik dostyq pen senimge negizdelgen qarym-qatynastardy nyǵaıtýǵa zor úles qosqanyńyzdy da atap ótkim keledi.
Eki el arasynda qalyptasqan strategııalyq yntymaqtastyq halyqtarymyzdyń jarqyn bolashaǵy úshin odan ári qarqyndy damı beretinine kámil senemin», – delingen jedelhatta.
Sońynda Qazaqstan Prezıdenti baýyrlas Ázerbaıjannyń búkil halqyna beıbitshilik pen baq-bereke tiledi.
